الموضوع بسيط جدا و في مستوى الجاسوس المتوسط .... خلونا بس الأول نتفق على حاجة مهمة في أول الكلام , إحنا مش هنجيب سيرة الريس .. أيوة أنا أؤكد من الأول إن أي حد فاكرني هفضل طول الكلام أشتغل الريس يبقى غلطان و ماشربش من نيلها و ده لعدة أسباب : أولا الريس بيقفش و أنا قلت قبل كده إن الراجل ده زعله وحش و إحنا مش قده .. الراجل ده يوم ما بيزعل بياخد النت و التليفونات و المواصلات و البوليس و يقفل على نفسه ... و بصراحة أنا مقدرش أعيش من غير مواصلات ..
ثانيا و ده الأهم .. الجدع ده بسم الله ما شاء الله مخلف لحد دلوقتي بتاع 50 مليون و كلهم حاطين البوستر بتاعه على الحيطان في أوضة نومهم من كتر حبهم ليه و أنا بصراحة مقدرش أزعل الناس دي كلها اللي جايز يكوتوا أصلا متبريين من أبهاتهم الأصليين بس ده مش موضوعنا دلوقتي
السبب التالت إن كل الناس عارفة إن حسني مبارك هو صاحب الضربة الجوية الأولى و غالبا راح نام بعدها و ساب الجيش يكمل بقيت ضربات الحرب لوحده لأن محدش بيجيب سيرته خالص غير في أول ضربة و من هنا طلعت الحكمة الشهيرة إضرب و إجري
نخلينا في موضوعنا ... طبعا اللجان الشعبية دي لأي حد ميعرفهاش هي البديل العصري للقعدة على القهوة و تفريغ عقد أي حد كان نفسه يطلع ظابط .. بنقعد في الشارع و نولع نار علشان ندفى و نلعب طاولة علشان نتسلى و كل واحد معاه سلاحه و طبعا كل واحد و مقامه .. اللي جايب شومه و اللي جايب سكينة و اللي جايب عصاية شمسية و اللي جايب مسدس و البوب الكبير هو اللي معاه كلب .... نشرب الشاي لزوم الدماغ العالية و نطمن على عربية الانطلاق جاهزة جنبنا... مش انطلاق ورا البلطجية لا سمح الله , انطلاق لآخر الشارع علشان نجيب خشب للنار علشان تفضل والعة و نصيحة مني بلاش تحط كرتون أو بلاستيك في النار علشان بيطلع دخان كتير ...
بدأنا نتناقش و في الخلفية صوت التليفزيون بتاع البقال اللي جنبنا أو بمعنى أدق غرفة العمليات أو الوحدة المركزية
كنا بنتكلم في اللي بيحصل اليومين دول و تأثيره على مئوية الزمالك , خصوصا بعد تأكيد وسائل الإعلام على وجود أصابع خارجية هي اللي بتحرك الأحداث .. أبرزها طبعا مانويل جوزيه و عودته في هذا التوقيت الحساس و العلاقة المباشرة بينه و بين القنوات التليفزيونية المغرضة زي قناة النادي الأهلي و اللي بتتعمد التحيز و عدم الحيادية في نقل ماتشات النادي الأهلي ...
سيد كفته "و اللي اكتشفت إنه ساكن في العمارة اللي قدامنا من 6 سنين " كان له رأي مميز في الموضوع ده و اللي استنتجه بعد ما فضل متابع الفضائية المصرية لمدة 9 أيام متواصلة .. سيد قال إن الواد الاسكتلندي اللي كان مجروح و راح يتعالج مع واحد من السفارة لا يمكن يكون هو اللي عملها .. و طبعا سيد كان عنده أسبابه : أولا ماكنش هيقول إنه اسكتلندي .. الله عليك يابو السيد .. ثانيا : كان المفروض يهرب أول ما ينجرح .. و طرح سيد سؤال معتبر : هو إيه اللي يخليه يغامر و يكشف نفسه و كمان يكشف واحد من السفارة بتاعته "و كأن موظفين السفارة مفروض محدش يعرفهم " إيه اللي يخليه يعمل كده إلا لو كان بريء ............. بصراحة سيد أقنعني بمنطقه و بمطوته اللي بتدل على إن سيد متربي أساسا في اللجان الشعبية من صغره و تقريبا دي شغلته الأساسية في الحياة لأنه أساسا بلطجي و مدمن بانجو
أنا طبعا وضحت ل سيد موقفي و احترامي الشديد لبصيرته و رأيه المستنير مش علشان خايف منه لا سمح الله بس علشان سيد بنفسه لما اتصل بالقناة الأولى و قال رأيه ده على الهوا , المذيع أثنى على ذكاء المواطن المصري البسيط و عدم انخداعه بالمؤامرات الأجنية اللي كل الدول سايبة شغلها و بتدبرها لمصر
محسن كفته " أخو سيد و زميلنا في اللجنة الشعبية " كان مختلف عن أخوه تماما في كل حاجة .. واحد طويل و أهبل و التاني قصير و أهبل .. واحد زملكاوي و التاني مالوش في الكورة .. واحد مدمن بانجو و التاني مدمن حشيش ... و أنا بصراحة بحب تحليل محسن للقضايا المحلية و الدولية .. لأنه على عكس أخوه سيد مش قاعد طول النهار قدام الفضائية المصرية لأنها في رأيه "كنات الريس" بس بيحب يشوف المحور و دريم ... لأنه بيحترم رأي الكابتن خالد الغندور خصوصا في ماتشات الزمالك ... محسن كان رأيه إن البت اللي اعترفت على نفسها دي لعبتها صح ...
سألته: إزاي يا عم محسن ... هو أصغر مني بس بحب أقوله "عم" احتراما للسنجة السودة اللي شايلها معاه و اللي بيعتبرها سنجته المفضلة علشان أبوه اتقتل بيها الله يرحمه ...
محسن كان رأيه إن البت دي بعد ما أخدت القرشين اللي فيهم النصيب قالت إن اللي دربوها من إسرائيل و أمريكا و قطر و بكده مصر مش هتقدر تتأكد من كلامها علشان فيه ضديات بينها و بين الدول دي كلها ... أنا طبعا ماحاولتش أسأله عن أهمية إن مصر تتأكد من كلامها أساسا .. و ده لأنه كان متحمس قوي.. لأن سجايره قربت تخلص
محسن شايف كمان إنها جابت رجل أحمد زويل معاها في القضية علشان ماتلبسهاش لوحدها و يوم ما يقبضوا عليها هتقول يا نعيش سوا يا نموت سوا ...
لحد اللحظة دي محسن ماكنش يعرف مين هو أحمد زويل و لما وضحتله إنه عالم و دارس في بلاد بره .. حمد ربنا إنه جاهل بس شريف
طبعا طول ما احنا قاعدين سامعين البرامج البوليسية في التليفزيون المصري و مظاهرات تأييد الرئيس المصري و اللي بتطالب برحيل الشعب قليل الأدب اللي مزعل أبوه ,,, و ناس تتصل بالبرنامج اللي يقول أنا شفت اتنين أفارقة بيتاجروا في العملة و اللي يقول القبض على مهندس إسرائيلي و أظرف واحد فيهم بقى اللي قال إن فيه واحدة إتصلت بيه و قالتله إنها بتتكلم من مصر بالرغم من إن الرقم من بريطانيا و لهجتها شامية و طلبت إنها تعمل حوار معاه .. طبعا هو علشان ذكي فهم إن الست دي جزء من المؤامرة و رفض الحوار و تحفظ على رقم التليفون و أنا لحد دلوقتي مش قادر أفهم هو هيعمل إيه برقم التليفون ؟؟؟
المهم اللي يتصل من تايلاند و اللي من النمسا و كله يتآمر عليكي يامصر و بالدليل القاطع .. مش عارف مين شوهد شايل شنطة و مين شوهد شعره أصفر و المذيعة بتاعة القناة الأولى قاعدة تسأل عن التفاصيل بكل دقة و اهتمام و لا كأنها المفتش كرومبو .. كان ناقص تقول للمتصل : افتكر كويس .. أي تفصيلة حتى لو صغيرة ممكن تفيدنا في التحقيقات ...
نقلب على المحور نلاقي الحاجة أم محمد متأثرة و بتعيط و بتعتذر لأبوها حسني و اللي واضح إنه لسه مش قابل اعتذارها بدليل البلطجية اللي بعد ما هينضفوا التحرير هينضفوا مصر كلها ان شاء الله.. علشان تبقوا تعتذروا يا ولاد ال .. ريس
هنا سيد طرح سؤال مهم " من وجهة نظره طبعا لأن كلام سيد كله مهم أساسا " هي الشرطة زعلانة ليه ؟ الناس دي فضلت تضرب فينا " أيوة سيد كان في المظاهرة " بالرصاص المطاطي و الحي و القنابل المسيلة لكل حاجة و كمان منتهية الصلاحية و يخبطونا بالعربيات لحد ما القنابل بتاعتهم خلصت ف قاموا ماشيين على بيوتهم ... يبقى يقفشوا مننا ليه ؟؟ أمال لو كنا كهربناهم ولا موتنا منهم كام واحد بالغلط و إحنا بنحقق معاه " أيوة إحنا بقينا بنحقق مع الضباط و نشوف بطايقهم في اللجان الشعبية و بصراحة هما كانوا متفاهمين و بيتعاملو معانا بصدر رحب خصوصا إن عددنا بيزيد عن العشرين واحد شايلين سنج و سيوف" كانوا عملوا إيه ؟؟
أنا بصراحة قررت أنهي المناقشة حقنا للدماء " دمائي اللي بتغلي في عروقي طبعا " و سلمت على الرجالة و طلعت أنام و كلي يقين إن المهندس الإسرائيلي ده مش بعيد يكون بيشتغل في مصر بقاله عشرين سنة و بيلعن اليوم اللي قامت فيه الثورة علشان اتكشف هو و زمايله من كل الجنسيات في العالم اللي كانوا السبب في الفساد و الظلم و السرقة و خربشة العربية كمان...................................................
ثانيا و ده الأهم .. الجدع ده بسم الله ما شاء الله مخلف لحد دلوقتي بتاع 50 مليون و كلهم حاطين البوستر بتاعه على الحيطان في أوضة نومهم من كتر حبهم ليه و أنا بصراحة مقدرش أزعل الناس دي كلها اللي جايز يكوتوا أصلا متبريين من أبهاتهم الأصليين بس ده مش موضوعنا دلوقتي
السبب التالت إن كل الناس عارفة إن حسني مبارك هو صاحب الضربة الجوية الأولى و غالبا راح نام بعدها و ساب الجيش يكمل بقيت ضربات الحرب لوحده لأن محدش بيجيب سيرته خالص غير في أول ضربة و من هنا طلعت الحكمة الشهيرة إضرب و إجري
نخلينا في موضوعنا ... طبعا اللجان الشعبية دي لأي حد ميعرفهاش هي البديل العصري للقعدة على القهوة و تفريغ عقد أي حد كان نفسه يطلع ظابط .. بنقعد في الشارع و نولع نار علشان ندفى و نلعب طاولة علشان نتسلى و كل واحد معاه سلاحه و طبعا كل واحد و مقامه .. اللي جايب شومه و اللي جايب سكينة و اللي جايب عصاية شمسية و اللي جايب مسدس و البوب الكبير هو اللي معاه كلب .... نشرب الشاي لزوم الدماغ العالية و نطمن على عربية الانطلاق جاهزة جنبنا... مش انطلاق ورا البلطجية لا سمح الله , انطلاق لآخر الشارع علشان نجيب خشب للنار علشان تفضل والعة و نصيحة مني بلاش تحط كرتون أو بلاستيك في النار علشان بيطلع دخان كتير ...
بدأنا نتناقش و في الخلفية صوت التليفزيون بتاع البقال اللي جنبنا أو بمعنى أدق غرفة العمليات أو الوحدة المركزية
كنا بنتكلم في اللي بيحصل اليومين دول و تأثيره على مئوية الزمالك , خصوصا بعد تأكيد وسائل الإعلام على وجود أصابع خارجية هي اللي بتحرك الأحداث .. أبرزها طبعا مانويل جوزيه و عودته في هذا التوقيت الحساس و العلاقة المباشرة بينه و بين القنوات التليفزيونية المغرضة زي قناة النادي الأهلي و اللي بتتعمد التحيز و عدم الحيادية في نقل ماتشات النادي الأهلي ...
سيد كفته "و اللي اكتشفت إنه ساكن في العمارة اللي قدامنا من 6 سنين " كان له رأي مميز في الموضوع ده و اللي استنتجه بعد ما فضل متابع الفضائية المصرية لمدة 9 أيام متواصلة .. سيد قال إن الواد الاسكتلندي اللي كان مجروح و راح يتعالج مع واحد من السفارة لا يمكن يكون هو اللي عملها .. و طبعا سيد كان عنده أسبابه : أولا ماكنش هيقول إنه اسكتلندي .. الله عليك يابو السيد .. ثانيا : كان المفروض يهرب أول ما ينجرح .. و طرح سيد سؤال معتبر : هو إيه اللي يخليه يغامر و يكشف نفسه و كمان يكشف واحد من السفارة بتاعته "و كأن موظفين السفارة مفروض محدش يعرفهم " إيه اللي يخليه يعمل كده إلا لو كان بريء ............. بصراحة سيد أقنعني بمنطقه و بمطوته اللي بتدل على إن سيد متربي أساسا في اللجان الشعبية من صغره و تقريبا دي شغلته الأساسية في الحياة لأنه أساسا بلطجي و مدمن بانجو
أنا طبعا وضحت ل سيد موقفي و احترامي الشديد لبصيرته و رأيه المستنير مش علشان خايف منه لا سمح الله بس علشان سيد بنفسه لما اتصل بالقناة الأولى و قال رأيه ده على الهوا , المذيع أثنى على ذكاء المواطن المصري البسيط و عدم انخداعه بالمؤامرات الأجنية اللي كل الدول سايبة شغلها و بتدبرها لمصر
محسن كفته " أخو سيد و زميلنا في اللجنة الشعبية " كان مختلف عن أخوه تماما في كل حاجة .. واحد طويل و أهبل و التاني قصير و أهبل .. واحد زملكاوي و التاني مالوش في الكورة .. واحد مدمن بانجو و التاني مدمن حشيش ... و أنا بصراحة بحب تحليل محسن للقضايا المحلية و الدولية .. لأنه على عكس أخوه سيد مش قاعد طول النهار قدام الفضائية المصرية لأنها في رأيه "كنات الريس" بس بيحب يشوف المحور و دريم ... لأنه بيحترم رأي الكابتن خالد الغندور خصوصا في ماتشات الزمالك ... محسن كان رأيه إن البت اللي اعترفت على نفسها دي لعبتها صح ...
سألته: إزاي يا عم محسن ... هو أصغر مني بس بحب أقوله "عم" احتراما للسنجة السودة اللي شايلها معاه و اللي بيعتبرها سنجته المفضلة علشان أبوه اتقتل بيها الله يرحمه ...
محسن كان رأيه إن البت دي بعد ما أخدت القرشين اللي فيهم النصيب قالت إن اللي دربوها من إسرائيل و أمريكا و قطر و بكده مصر مش هتقدر تتأكد من كلامها علشان فيه ضديات بينها و بين الدول دي كلها ... أنا طبعا ماحاولتش أسأله عن أهمية إن مصر تتأكد من كلامها أساسا .. و ده لأنه كان متحمس قوي.. لأن سجايره قربت تخلص
محسن شايف كمان إنها جابت رجل أحمد زويل معاها في القضية علشان ماتلبسهاش لوحدها و يوم ما يقبضوا عليها هتقول يا نعيش سوا يا نموت سوا ...
لحد اللحظة دي محسن ماكنش يعرف مين هو أحمد زويل و لما وضحتله إنه عالم و دارس في بلاد بره .. حمد ربنا إنه جاهل بس شريف
طبعا طول ما احنا قاعدين سامعين البرامج البوليسية في التليفزيون المصري و مظاهرات تأييد الرئيس المصري و اللي بتطالب برحيل الشعب قليل الأدب اللي مزعل أبوه ,,, و ناس تتصل بالبرنامج اللي يقول أنا شفت اتنين أفارقة بيتاجروا في العملة و اللي يقول القبض على مهندس إسرائيلي و أظرف واحد فيهم بقى اللي قال إن فيه واحدة إتصلت بيه و قالتله إنها بتتكلم من مصر بالرغم من إن الرقم من بريطانيا و لهجتها شامية و طلبت إنها تعمل حوار معاه .. طبعا هو علشان ذكي فهم إن الست دي جزء من المؤامرة و رفض الحوار و تحفظ على رقم التليفون و أنا لحد دلوقتي مش قادر أفهم هو هيعمل إيه برقم التليفون ؟؟؟
المهم اللي يتصل من تايلاند و اللي من النمسا و كله يتآمر عليكي يامصر و بالدليل القاطع .. مش عارف مين شوهد شايل شنطة و مين شوهد شعره أصفر و المذيعة بتاعة القناة الأولى قاعدة تسأل عن التفاصيل بكل دقة و اهتمام و لا كأنها المفتش كرومبو .. كان ناقص تقول للمتصل : افتكر كويس .. أي تفصيلة حتى لو صغيرة ممكن تفيدنا في التحقيقات ...
نقلب على المحور نلاقي الحاجة أم محمد متأثرة و بتعيط و بتعتذر لأبوها حسني و اللي واضح إنه لسه مش قابل اعتذارها بدليل البلطجية اللي بعد ما هينضفوا التحرير هينضفوا مصر كلها ان شاء الله.. علشان تبقوا تعتذروا يا ولاد ال .. ريس
هنا سيد طرح سؤال مهم " من وجهة نظره طبعا لأن كلام سيد كله مهم أساسا " هي الشرطة زعلانة ليه ؟ الناس دي فضلت تضرب فينا " أيوة سيد كان في المظاهرة " بالرصاص المطاطي و الحي و القنابل المسيلة لكل حاجة و كمان منتهية الصلاحية و يخبطونا بالعربيات لحد ما القنابل بتاعتهم خلصت ف قاموا ماشيين على بيوتهم ... يبقى يقفشوا مننا ليه ؟؟ أمال لو كنا كهربناهم ولا موتنا منهم كام واحد بالغلط و إحنا بنحقق معاه " أيوة إحنا بقينا بنحقق مع الضباط و نشوف بطايقهم في اللجان الشعبية و بصراحة هما كانوا متفاهمين و بيتعاملو معانا بصدر رحب خصوصا إن عددنا بيزيد عن العشرين واحد شايلين سنج و سيوف" كانوا عملوا إيه ؟؟
أنا بصراحة قررت أنهي المناقشة حقنا للدماء " دمائي اللي بتغلي في عروقي طبعا " و سلمت على الرجالة و طلعت أنام و كلي يقين إن المهندس الإسرائيلي ده مش بعيد يكون بيشتغل في مصر بقاله عشرين سنة و بيلعن اليوم اللي قامت فيه الثورة علشان اتكشف هو و زمايله من كل الجنسيات في العالم اللي كانوا السبب في الفساد و الظلم و السرقة و خربشة العربية كمان...................................................
ليست هناك تعليقات:
إرسال تعليق