الحمار: السلام عليكم
الأرنب : و عليكم السلام و رحمة الله و بركاته , اتفضل أهلا وسهلا
الحمار: الحقيقة مفيش وقت كتير نضيعه في المجاملات دي , أنا جايلك في موضوع مهم
الأرنب : خير ؟!
الحمار: السلحفاه بتعرض عليك ألف ربطة خس و تعمل نفسك تعبت و نمت في نص السباق النهارده لحد ما هي تكسب ..
... الأرنب : انت فاهم انت بتقول ايه ؟؟
الحمار : نزود 2 كيلو جزر
الأرنب : انت عايزني أخسر سباق هيحضره كل الحيوانات تقريبا علشان شوية خس و جزر
الحمار: خلينا واقعيين .. كده كده انت معروف إنك مغرور و شايف نفسك على الحيوانات اللي معظمها نفسه يشوفك خسران حتى لو ده مستحيل , و لو انت رفضت العرض , ألف ذئب هيقبل بأقل من كده و يستناك في أي مكان في السباق و يخلص عليك أو على الأقل يتحفظ عليك لحد ما السباق يخلص و السلحفاة تكسب
الأرنب : حيوانات حقيرة مفيش فيها حيوان واحد وافق يدخل السباق ضدي غير السلحفاة اللي باعتاك دلوقتي علشان تهددني
الحمار : أرجوك بلاش غلط , خلي بالك إن القصة دي هيقراها اطفال كتير بعد كده علشان يتعلموا منها قيم العمل و الاجتهاد و عدم اليأس و عدم الغرور و بلا بلا بلا .. و لازم تفضل بدون شتايم
الأرنب : بس ألف ربطة خس ده قليل أوي ... انت عارف الدولار بكام انهارده ؟؟
الحمار : بلاش نلف و ندور على بعض كتير , أنا عارف و انت عارف انك وافقت تدخل السباق من الأساس علشان الأسد وعدك ب 400 ربطة خس لو انت قدرت تكسب السلحفاه اللي هي الحاجة الوحيدة في الغابة اللي ماقدرش ياكلها , جاي دلوقتي تقول الألف ربطة قليلين ؟؟
الأرنب : بما اننا بنلعب ع المكشوف و بما إني لو سمعت كلامك يبقى لازم أشوفلي غابة تانية أعيش فيها يبقى لازم آخد الخس اللي يكفيني لحد ما أستقر في مكان تاني
الحمار : ثانية واحدة أعمل تليفون ... آلو , أيوة أنا معاه دلوقتي , مفيش مانع من حيث المبدأ بس عايز المبلغ يزيد شوية .. (مضيفا بصوت منخفض: ممكن نزود تمن التذاكر ده غير المبالغ اللي هنكسبها من مشاركتك في أي سباق بعد كده بعد ما تكوني علمتي على الأرنب و الشهرة اللي هتخديها بمجرد ما الفيديوهات تترفع على اليوتيوب ) خلاص تمام , انا هتصرف
الأرنب : انجز علشان عايز استعد قبل السباق
الحمار : السلحفاة وافقت تضاعف الكمية بس بشرط , الموضوع ده يفضل سر و لو أي حيوان أخد خبر بيه هتبلغ الأسد إنك إنت اللي عرضت عليها تخليها تكسب علشان تكسر هيبته
الارنب متكئا على ظهره في نشوة : اعتبره حصل يا كبير
الأرنب : و عليكم السلام و رحمة الله و بركاته , اتفضل أهلا وسهلا
الحمار: الحقيقة مفيش وقت كتير نضيعه في المجاملات دي , أنا جايلك في موضوع مهم
الأرنب : خير ؟!
الحمار: السلحفاه بتعرض عليك ألف ربطة خس و تعمل نفسك تعبت و نمت في نص السباق النهارده لحد ما هي تكسب ..
... الأرنب : انت فاهم انت بتقول ايه ؟؟
الحمار : نزود 2 كيلو جزر
الأرنب : انت عايزني أخسر سباق هيحضره كل الحيوانات تقريبا علشان شوية خس و جزر
الحمار: خلينا واقعيين .. كده كده انت معروف إنك مغرور و شايف نفسك على الحيوانات اللي معظمها نفسه يشوفك خسران حتى لو ده مستحيل , و لو انت رفضت العرض , ألف ذئب هيقبل بأقل من كده و يستناك في أي مكان في السباق و يخلص عليك أو على الأقل يتحفظ عليك لحد ما السباق يخلص و السلحفاة تكسب
الأرنب : حيوانات حقيرة مفيش فيها حيوان واحد وافق يدخل السباق ضدي غير السلحفاة اللي باعتاك دلوقتي علشان تهددني
الحمار : أرجوك بلاش غلط , خلي بالك إن القصة دي هيقراها اطفال كتير بعد كده علشان يتعلموا منها قيم العمل و الاجتهاد و عدم اليأس و عدم الغرور و بلا بلا بلا .. و لازم تفضل بدون شتايم
الأرنب : بس ألف ربطة خس ده قليل أوي ... انت عارف الدولار بكام انهارده ؟؟
الحمار : بلاش نلف و ندور على بعض كتير , أنا عارف و انت عارف انك وافقت تدخل السباق من الأساس علشان الأسد وعدك ب 400 ربطة خس لو انت قدرت تكسب السلحفاه اللي هي الحاجة الوحيدة في الغابة اللي ماقدرش ياكلها , جاي دلوقتي تقول الألف ربطة قليلين ؟؟
الأرنب : بما اننا بنلعب ع المكشوف و بما إني لو سمعت كلامك يبقى لازم أشوفلي غابة تانية أعيش فيها يبقى لازم آخد الخس اللي يكفيني لحد ما أستقر في مكان تاني
الحمار : ثانية واحدة أعمل تليفون ... آلو , أيوة أنا معاه دلوقتي , مفيش مانع من حيث المبدأ بس عايز المبلغ يزيد شوية .. (مضيفا بصوت منخفض: ممكن نزود تمن التذاكر ده غير المبالغ اللي هنكسبها من مشاركتك في أي سباق بعد كده بعد ما تكوني علمتي على الأرنب و الشهرة اللي هتخديها بمجرد ما الفيديوهات تترفع على اليوتيوب ) خلاص تمام , انا هتصرف
الأرنب : انجز علشان عايز استعد قبل السباق
الحمار : السلحفاة وافقت تضاعف الكمية بس بشرط , الموضوع ده يفضل سر و لو أي حيوان أخد خبر بيه هتبلغ الأسد إنك إنت اللي عرضت عليها تخليها تكسب علشان تكسر هيبته
الارنب متكئا على ظهره في نشوة : اعتبره حصل يا كبير
