هيثم دبور يكتب في المصري اليوم

وهتيجى تقوللى أنا مسافر فهقولك غور
مربوط فى سواقى الكون بتدور
والدايرة مماسها يدوب نقطة
العمر أساساً محذوف منه كام لقطة
علشان تلاقيه فى آخر الرحلة محكى فى كلمات
وكأنه CV
«مولود ومخلص تعليمه..
مربوط فى سواقى الشغل.. ومات»
والصاحب بس قصاد السيرة الرسمية بيحفظ حكايات
تتقال ووراها فى خلفية صولو بيانو
مين فينا النسيان بإرادته
أو طمس العشرة بإمكانه
أو غيمة عينه مابتمطرش أما بيذكر
كلمة أصحاب ويقول كانوا
وصعوبة العمر فى طول سفرك إنك تتحمل نسيانه
والأصعب منه تكون فاكر
والراجل على باب السيما
لسّاه بيقطع فى تذاكر
والقطعة دليل إنك موجود
حتى لو ناوى تسيبه وتخرج من نصه
والناس فى الغربة إذا شافوا غريب
يسألوا عن عمره فبيقصهم
وكأنه حدوتة وخلصت
والتتر نزل وإنقاد النور
وهتيجى تقوللى أنا مسافر فهقولك غور

حدث بالفعل

هل يمكن ان يحدث ؟؟؟؟

1)يفاجأ السائق بسيارة شرطة تسير إلى جواره و تطلب منه التوقف على يمين الطريق , يتوقف في هدوء ... يأتي رجل مرور في زي أنيق حاملا في يده جهازا إليكترونيا دقيقا عرضه عليه و به صورة لارتكابة مخالفة قيادة , يدفع السائق المخالفة في هدوء و يودع الاثنان بعضهما بابتسامة ....

2)رغم القبضة الامنية الرهيبة ....استطاع صحفيان ألمانيان التسلل داخل سوريا لإعداد ملف عن الاحتجاجات في الشارع السوري , وسعيا للقاء عدد من النشطاء لنشر فضائح النظام السوري .. و تم بالفعل تدبير لقاء يجمع هذين الصحفيين بنحو 12 ناشطا ..

3)استشهاد رائد بالامن المركزي أثناء حملة للقبض على بلطجي في إحدى القرى , و قد أسفرت الحملة عن قتل البلطجي و آخرين و استشهاد الضابط فداءا للوطن ..

4)انشقاق كتيبة عن الجيش السوري و هروبها إلى قرية سورية ظلت مختبئة بها عدة ايام قبل ان يعلن احد ضباطها أنه مخوّل من قبل الجيش السوري الحر لتجنيد شباب من القرى , و قد تحمس بالفعل نحو 200 شاب من ابناء القرية و قادهم لبدء التدريب على العمليات القتالية..

5)يدخل المريض المستشفى الحكومي فيسارع لتسجيل رقمه القومي على شاشات كمبيوتر موضوعة على حوامل مرتفعة على يسار الاستقبال في المستشفى ... فيظهر في الاستقبال لدى الموظف المسئول اسم الملف الكامل للمريض و رقم تأمينه الصحي و تاريخه المرضي , و حين يذهب المريض للموظف للحصول على رقم الكشف يجد هذا الملف و قد طبع له و يسأله الموظف إن كان قد جاء لمتابعة حالته أم انه يشكو من شيء آخر .. و يتم توجيهه للطبيب المختص..

الإجابة الصحيحة هي أن كل تلك الاحداث قد حدثت بالفعل و ليست معجزات .....
 ف الصحفيان الألمانيان ما هما إلا جواسيس للنظام السوري كان هدفهما معرفة اماكن اختباء الثوار و هو ما تم بالفعل و قامت المخابرات بمهاجمة مكان اللقاء بعد 10 دقائق من بدايته و اعتقلت جميع الحضور ,,
 و الضابط الشهيد فداء الواجب كانت النيابة العسكرية قد أعلنت منذ فترة وقفه عن العمل هو و آخرين للتحقيق معهم على خلفية قضية تعذيب شهيرة و صعق بالكهرباء لأحد المتهمين .. و قد استشهد في سبيل اداء واجبه فعلا و لكنه قدم دليل ملموس أن الداخلية لا تؤمن بمحاسبة رجالها و أن إعلانها عن إجراء تحقيقات مجرد "فرقعة" إعلامية لتهدئة الرأي العام ....
 و بالنسبة للكتيبة المنشقة ,فبعد تجميع الشباب و اقتيادهم لمنطقة نائية لبدء التدريب .. اختفوا تماما .. فقد كانت لعبة من الجيش السوري و إسلوب مبتكر للقمع و الإرهاب ..................
أما حكايتي المرور و المستشفى .....و مدى تطابقهما مع ما تدعو له الشريعة الإسلامية من احترام حقوق الإنسان و كرامته........ فلا تشغل بالك بهما ... فهما يحدثان يوميا عشرات المرات في دولة تركيا .... العلمانية

الدروس المستفادة من _لا مؤاخذة_ الثورة

هناك العديد من الدروس المستفادة من ثورة مصر المجيدة :

1) جميع المصريين يعرفون حديث الشيخ الشعراوي عن "الثائر الحق" و لا يعرفون أي آراء دينية عن .. الموظف الحق أو الظابط الحق أو الطبيب الحق .. أو حتى ..... الحاكم الحق

2) لمن يريد ركوب "عجلة الانتاج",مهمتك صعبة جدا  في دولة متقدمة مثل "مصر" , عليك الانتظار حتى تتوقف العجلة , و هذا لا يحدث إلا في حالة واحدة  نادرة و هي  ..... المظاهرات المطالبة برحيل المجلس العسكري

3)توفيق عكاشة و الاستاذ مصطفى بكري ..... واحد بيستغل منبره الإعلامي للقضاء على الثورة , و التاني ...... رئيس قناة الفراعين

4)يجب أن تكون المطالب واضحة و محددة حتى تستطيع الجهات المسئولة التعامل معها ,, فإذا أردت مثلا تغيير الحكومة .. عليك المطالبة _و بشدة _ .... برحيل المجلس العسكري.

5) الاستفتاءات و الانتخابات بوجه عام مطلوبة و مرجوة لاستكمال مسيرة الثورة ... و لنتذكر جميعا الدور الهام التاريخي الذي لعبته انتخابات مجلس الشعب ....في 2010  في قيام الثورة

6) دائما الشرطة تتعامل "بضبط النفس" في إطار المحافظة على كرامة المواطن و حقه في التعبير "السلمي" عن رأيه .. في وجوب بقاء المجلس العسكري حاكما للبلاد مدى الحياة

7) تثبت لك الثورة أن مصر دولة قانون , و العدالة الناجزة تقتضي تنفيذ العقوبة في الحال ... مثل عقوبة التواجد في الشارع  و هي  ... الإعدام "خنقا" أو رميا بالرصاص

8)عليك بتحري الدقة في معرفة معلوماتك .. فإذا أردت معلومات تاريخية , فعليك بالبرامج الفنية ... و إذا اردت أخبار سياسية ..عليك بالبرامج الرياضية ... و إذا أردت فتوى دينية .. عليك بالبرامج السياسية ... و للعلاج و البحث عن معلومات طبية موثقة ... يرجى متابعة القنوات الدينية

9) احرص على مشاعر أخيك العضو العامل في حزب الكنبة .. و "المتحدث" دائما بصوت الأغلبية "الصامتة" .. و يُنصح بتجنب تكرار الثورة الواحدة أكثر من مرة في العام الواحد ... منعا للملل

10)أعضاء المجلس الاعلى للقوات المسلحة لا يخطئون , فجميعهم مدرب على القيادة , لا يعرفون الفساد و لا يمارسونه و لا يتوانون عن محاسبة الفاسدين المفسدين بكل حزم و بالقانون و بمراعاة حقوق الإنسان , و ذلك في ظل القيادة الرشيدة الحكيمة .... للرئيس محمد حسني مبارك

الخريف العربي

كل حاكم عربي يعتقد أن سبب سقوط زميله أنه لم يقمع الشعب بدرجة كافية , يتنافسون في القتل و الارهاب 

من سيناريو فيلم ...يوم سرقت مصر من جديد

المشهد الأول:
كانت المشاجرة على أشدها في الشارع حينما صرخ رجل تبدو عليه ملامح العصبية , قائلا : "أنا عايز راجل واحد يقول إنه كان بيعاكسها" ... و هنا تدخّلت مجموعة من الناس الذين كانوا يحيطون به و اتضح انهم يمثلون الطرف الآخر من المشاجرة , محاولين إثنائه عن ارتكاب أي حماقه وشيكة, صائحين في صوت واحد : ......" كلنا كنا بنعاكسها" .

المشهد الثاني :
يفكر الرجل ذو الملامح العصبية في حشد أهل شارعه و الأحياء المجاورة لمساعدته على الثأر لكرامته و التي يعتبرها تمثل كرامة جيرانه أجمعين ... يحاول أن ينظم لقاء معهم لشرح قضيته و كله امل أنه بمجرد سماعهم القصة كاملة سيسارعون لنجدته و نجدة انفسهم من أي خطر مستقبلي .. و يبدأ في التفكير في طريقة يستطيع بها كبح جماح غضبهم _عند علمهم بما حدث_ و السيطرة على توابع نخوتهم المصونة من ارتكاب أي جرائم .. فهو يريد الثار و لكن دون مشاكل كبرى قد تنتج من رد فعل من يشعر بأي مساس بكرامته

المشهد الثالث:
يفشل الرجل لمدة شهرين متتاليين في عقد لقاء واحد يجتمع فيه أهل الحي جميعا .. يفكر في عمل إعلان تليفزيوني ليدعو الاهالي للقاء المرتقب و لكن التكلفة العالية و خيالية الفكرة حيث قد لا يشاهد الجميع الإعلان تثنيه عن هذه الفكرة الخيالية... يفكر في زيارة كل شخص على حدة و مخاطبته منفردا .. و بعد عدة محاولات و اعتذارات يكتشف أن فكرة الإعلان التليفزيوني ...مش وحشة أوي

المشهد الرابع :
يخفي الرجل اي اداة يمكن ان تستخدم كسلاح من مكان اللقاء فهو لا يضمن تهور الناس .. فقد قرر ان يحكم صوت العقل , و هو في غاية السعادة لنجاحه في الاجتماع مع عدد لا بأس به من السكان بعد أن اعلن عن وجود جوائز قيمة , و ملاهي للاطفال .. و الفكرة الشيطانية التي اوحى له بها جاره الكوافير ........ ركن خاص للمحجبات

المشهد الخامس :
توحدت آراء الاهالي في انه لا داعي للمشاكل .. فمنهم من يرى أن أي شوشرة قد تؤدي لتعطل مصالح الناس ... و منهم من يرى أن مصالح الناس كده كده عطلانة و لكن لا داعي للمشاكل أيضا حتى لا يتحجج بها أصحاب المصالح المتعطلة ... حاول الرجل أن يستحث نخوتهم و جدعنتهم بشتى الطرق و بعد نقاش طويل و شد و جذب استطاع اخيرا اقناعهم.. بعدم طرده من الشارع مع الوعد باعتذار قريب و بوكيه ورد لمجموعة البلطجية

المشهد قبل الاخير :
يقرأ الرجل كلاما كان قد كتبه "محمود عوض" منذ عشرات السنين متحدثا عن مشاكل تتعلق بالأدب و نظرة المجتمع لها و هو لا يتوقع إمكانية إسقاط كلامه _و لو من بعيد_ على أي احداث معاصرة ...
"المشكلة دائما هي ان المجتمع يريد أن يجمع بين التطور و راحة البال , لكن بمجرد أن يحدث تقاطع , يجد المجتمع اغلبية كافية بين اعضائه تتمسك براحة البال على حساب التطور ... بينما تخرج أقلية محدودة إلى العراء لكي تقول ان التطور يستحق أن نضحي في سبيله بين وقت و آخر .... براحة البال "

انتهى السيناريو .. و لكن لم بنتهِ الفيلم

لا للمحاكمات العسكرية للمدنيين(1)

المواطن :عياد ميخائيل جرجس حكم عليه ب السجن ٥ سنوات سجن وادي النطرون  حكم مع النفاذ رقم القضيه : ٢٨٣ جنايات شمال القاهرة 

المواطن :احمد حسين سعد محمود حكم عليه ب السجن المشدد لمدة 5 سنوات حكم مع النفاذ رقم القضيه : رقم القضية 14/2011 جنايات عسكرية السويس

المواطن :قدري محمد عبد العليم حكم عليه ب السجن 5 سنوات 

المواطن :مصطفى عادل سيد احمد حكم عليه ب السجن 6 سنوات - سرقة حكم مع النفاذ رقم القضيه : رقم القضية ٢٦٣/٢٠١١ 

المواطن : جمعة انور بدر .. حكم عليه بالسجن 5 سنوات حكم مع النفاذ , رقم القضية 88/2011 جنايات عسكرية شرق القاهرة

المواطن: وائل صلاح محمد .. حكم عليه بالسجن 3 سنوات _ سلاح أبيض حكم مع النفاذ .. رقم القضية : 954/2011

المواطن :سمير صبري رجب عوض الله مكان الاعتقال : شارع القصر العيني في مظاهرة حكم عليه ب السجن 5 سنوات سجن طره المزرعة

المواطن :محمود ابو زيد محمود مكان الاعتقال : تم القبض عليه من اعتصام عمال بتروجيت حكم مع النفاذ _ رقم القضية 2535 جنح شرق

المواطن : أحمد حسين سعد محمود , حكم عليه بالسجن المشدد لمدة 5 سنوات حكم مع النفاذ , رقم القضية 14/2011 جنايات عسكرية السويس

المواطن : محمد احمد عبدالعزيز محمد .. حكم عليه بالسجن 3 سنوات مع الشغل و النفاذ ,رقم القضية 743/2011 جنح عسكرية شرق

المواطن :رمضان قطب , حكم مع النفاذ

المواطن : أحمد جابر محمود عثمان , حكم عليه بالسجن الوادي الجديد .. حكم مع النفاذ , رقم القضية 55/2011

المواطن :مصطفى عادل سيد احمد حكم عليه ب السجن 6 سنوات _سرقة حكم مع النفاذ : رقم القضية ٢٦٣/٢٠١١

 المواطن :أيمن محمد عبد المنعم مكان الاعتقال : من مشاجره مع ضابط بالمنتزه حكم عليه ب غرامه 10,000 تم القبض عليهم فى مشاجره مع ظابط - تم دفع جزع من الغرامه و حاليا فى النقض لتخفيفها  ,حكم مع النفاذ , رقم القضية 3114/2011 جنح عسكرية اسكندرية

المواطن : بلال محيي .. حكم مع النفاذ

المواطن : مصطفى محمد احمد _ حكم مع النفاذ , قضية رقم 68 جنايات عسكرية الزقازيق .. المقيدة برقم 419

المواطن : إسلام خليل إبراهيم خليل _ حكم عليه بالسجن 5 سنوات _ سلاح

المواطن : إبراهيم مصطفى لطفي دسوقي _ حكم مع النفاذ , رقم القضية : 1568 جنح شمال

المواطن : مصطفى عادل سيد احمد , حكم عليه بالسجن 6 سنوات , سرقة .. حكم مع النفاذ , رقم القضية 263/2011

المواطن :محمد زغلول عبد الوكيل مطاوع السن 25 مكان الاعتقال : ش مكرم عبيد حكم عليه ب السجن 5 سنوات - سجن الوادي الجديد

المواطن : وليد احمد حمدان , حكم عليه بالسجن 10 سنوات , سرقة .. حكم مع النفاذ

المواطن هاني منير محمود عامر , حكم عليه بالسجن 7 سنوات سرقة , حكم مع النفاذ , رقم القضية 49 / 2011

المواطن :واحمد عبدالرحيم علي متولي حكم عليه ب السجن المشدد لمدة 5 سنوات , حكم مع النفاذ .. رقم القضية 14/2011 جنايات عسكرية السويس

المواطن :كريم صبحي عبدالخالق حكم عليه ب السجن 5 سنوات , حكم مع النفاذ , رقم القضية :88/2011 جنايات عسكرية شرق القاهرة

المواطن :محمود محمد شعبان عبداللطيف حكم عليه ب السجن مع الشغل والنفاذ لمدة 3 سنوات , حكم مع النفاذ , رقم القضية 743 /2011 جنح عسكرية شرق

المواطن :سحر عوض محمد محمد حكم عليه ب السجن مع الشغل والنفاذ لمدة  سنتين .. حكم مع النفاذ .. رقم القضية 141/2011 جنايات عسكرية شرق

طبقا لتوجيهات السيد المشير

بلال فضل يكتب : لماذا قتلت شعبك (3 فبراير 2011)

سيدى الرئيس، بطل الضربة الجوية، لماذا أمرت بالضربة البرية التى سقط فيها أبناء شعبك قتلى وجرحى فى شوارع مصر طيلة الأيام الماضية. إذا لم تكن أنت الذى أمرت فمن الذى أمر بذلك إذن؟، كانوا دائما يقولون إنك لست مسؤولا عن أى كارثة تحدث لأبناء شعبك، لست مسؤولا عن غرق ألف ومائة مصرى فى عبارة الفساد، لست مسؤولا عن احتراق الأبرياء فى قطار الصعيد ومسرح بنى سويف، لست مسؤولا عن نزيف الدماء فى حوادث الطرق، لست مسؤولا عن الفساد وخراب التعليم وانتشار التطرف والمرض والفقر، أنت فقط مسؤول عن الإنجازات والسعادة والفرحة والبهجة، أنت لا تخطئ، فنحن لم نرك ولو لمرة تعتذر لشعبك كما يفعل كل الزعماء فى العالم المتقدم الذين يعلمون أنهم ليسوا آلهة ولا أنصاف آلهة، بل بشر يخطئون ويصيبون.
هذه المرة، أنت تعلم بأن شعبك كان يُقتل ويُهان ويُقمع ويُسحل فى شوارع مصر، إذا لم تكن قد أمرت بذلك فلابد أنهم نقلوا لك ما حدث فى التقارير، وإذا كانوا لم ينقلوه لك فلابد أنك شاهدته فى الفضائيات والصحف المصرية العربية والأجنبية التى قاومت قمع أجهزتك ونجحت فى تسريب بعض الصور بعيدا عن أيدى رجالك، إذا كنت تعلم فتلك مصيبة، لأنك خالفت ما أقسمت عليه بالحفاظ على أمن وسلامة المواطن، وإذا كنت لا تعلم فالمصيبة أعظم، لأنك عندها لا تستحق أن تكون رئيساً لنا.
نحن لسنا شعباً من الخراف ياسيادة الرئيس لكى تدهس شبابنا عربات الأمن المركزى ويضربهم الضباط بالرصاص الحى والمطاطى والقنابل المسيلة للدموع، بعد أن زهقوا من ركلهم بالبيادات وهم يلقون بهم إلى سيارات تأخذهم إلى معسكرات اعتقال نجا منها الفاسدون والظلمة والفشلة، هل رأيت فى يوم ٢٥ يناير كيف سحل رجالك الكاتب محمد إحسان عبد القدوس سليل العائلة التى لم تصل إلى مكانتها الرفيعة فى وجدان المصريين بالقمع والفساد، بل بنشر الصحافة والفن والحرية والحب؟، هل شاهدت كل هذا وارتاح ضميرك لمجرد أنهم قالوا لك إن الذين خرجوا فى الشوارع «إخوان مسلمين»، هل تأملت سيادتك فى وجوه ملايين المتظاهرين ولاحظت أن ملامحهم لا يجمعها أى انتماء سوى الهتاف ضد عهدك وسياساتك ونظامك؟، كيف رضيت بإطلاق الرصاص على مواطنين أقسمت على حمايتهم؟، هل قالوا لك، وهم يأخذون الأوامر، إن المتظاهرين قتلوا جندى شرطة ولابد من قمعهم، هل طلبت قبلها تقريراً عاجلاً من الطب الشرعى لتكتشف أن الجندى استشهد بسبب هبوط حاد فى الدورة الدموية كما تقول المنظمات الحقوقية؟، هل تعرف أصلا كم كان يقبض هذا الجندى وزملاؤه، وما هى أوضاعهم الصحية والنفسية والاجتماعية، وفى أى صف كانوا سيقفون لو أتيحت لهم فرصة الاختيار.. هل سألت رجالك: هل كان غضب السوايسة العارم مجانيا أم أنه كان غضبا تلا سقوط شبابهم شهداء برصاص الشرطة؟
هل قالوا لك ليلة جمعة الشهداء إن كل شىء تحت السيطرة فذهبت لتنام مطمئناً، لأنهم سيطروا على الأقلية المندسة المدفوعة، وأنت ربما تفكر فى إبداع جملة مليئة بالعنجهية من نوعية «سيبوهم يتسلوا»، ثم فوجئت بعد صلاة الجمعة بملايين الرافضين للتسلية وهم يخرجون ليهتفوا ضدك فى شوارع مصر فى مشهد لم يحدث منذ انتفاضة عام ١٩٣٥ ضد عدو الشعب إسماعيل صدقى، وحتى بعد أن رأيتهم بعينيك واصلت على مدى أيام عنادك وتعاليك على شعبك، وحتى عندما أجبرك الشعب على ألا تظل رئيسا حتى آخر نفس كما كنت تقول، حتى وأنت تراهن على ضعف ذاكرة شعبك وأنه سينسى كم مرة وعدته وأخلفت، لماذا لم تفكر ولو من باب المصلحة فى أن تقول للناس إنك لست إلهاً، وإنك بشر يمكن أن يعتذر ويعترف بالخطأ، لماذا لم تتحدث بكلمة عن المئات الذين قتلهم وأصابهم رجالك، لم تعلن حتى عن إحالة القتلة إلى محاكمة عاجلة لكى تبرئ نفسك من دمائهم، للأسف لم تفعل يا سيادة الرئيس ولذلك ستظل دماؤهم فى رقبتك إلى أن تعتذر وتحاكم من سفكوا دماء الأبرياء.
تحيا مصر، ومبروك لأحرار المصريين أنهم استعادوا وطنهم من جديد

شوقيات 8 (2 يناير 2011)

أنا مقتنع إن لغة الحوار هي الأسلوب المثالي للتفاهم ..... في التليفون


أنا عمري ما أجلت أي حاجة في حياتي ... و لا نتكلم في الموضوع ده بكرة أحسن

انهاردة بحتفل بمرور أسبوع بدون تدخين ... قبل النوم

منها لله البلطجة و شرا الأصوات ... قطعوا عيش المزوِّرين

فضلت آخد و أدي معاه في الكلام 3 ساعات كاملين ,لحد ما أخيرا اتفقنا ... هنتكلم في إيه

مين اللي قال إني سفاح و قلبي ميت , ده انا حتى بحب الأطفال ... طعمهم حلو قوي

الحمد لله عملية البلطجة مرت على خير .. و لم يشُبها أي نوع من انواع ... الانتخاب

مش كل حاجة وحشة ... فيه حاجات وحشة قوي

فضلت 5 ساعات بحاول أفهمه ... أضرار تضييع الوقت



أنا كنت فاكره ندل , لحد ما أتعاملت معاه ...و أتأكدت

أنا شايف إن حسني كبر و بقى مالوش فيها ... لنرفع شعار .. كفاية.. ل حسني عبدربه

إيه البرد ده ... أنا قربت أسقع

طول عمري بنجح و بامتياز ... في الفشل

بما إن أنفلونزا الطيور بتتنقل من الطيور للبني آدمين , يبقى علشان نقضي عليها تماما لازم نقتل كل .. البني آدمين

قمة القرف (19 ديسمبر 2010)

بعد إدخال الصرف الصحي إلى أي قرية .. تبدأ المرحلة الثانية ... خلطه بمياه الشرب


مين اللي قال إني تفكيري و طموحي كله في العربيات .. بالعكس ,أنا نفسي أبقي أجمد جراح .. علشان أجيب أجمد عربية

مش غلطتي إني فضلت أخطط لخطف الطفل الرضيع ابن الجيران .... عشرين سنة

أنا كنت مركز و أنا سايق طول الطريق .... دي آخر حاجة أنا فاكرها قبل الحادثة

المجاري ... شبكة واحدة بتجمعنا كلنا

موضوع الهجرة من مصر ماعدش بيشغل تفكيري خالص .. من يوم ما وصلت لندن

من الآخر : في مصر , كل شيء وارد ... من الصين

فعلا التدخين يسبب الوفاة ... كلهم أكدوا إنه كان بيشرب سيجارة لما العمارة وقعت عليه

الظروف هي اللي أجبرتني أستخدم العنف ... كان لازم أقتل الناموسة قبل ما تقرصني

المشكلة فعلا لو أثيوبيا قطعت عننا نهر النيل .... هنحمّي حيوانتنا فين؟؟

أنا ادعو لترشيد استخدام الطاقة و الاتجاه لاستخدام الطاقة الشمسية كبديل للكهرباء .... في التعذيب


إيه القرف ده.. الواد الطويل ده بيلعب في منخيره ... و أنا بصراحة بقرف من أي حد طويل

:))))))))))))))))))))))))))))))))))))))))))))))))))))
محدش فينا كان يعرف إن فيه تفتيش مفاجيء انهارده .... لحد امبارح الصبح

أنا معترض على كلامك و إنت معترض على كلامي .... يبقى إحنا الاتنين متفقين


مش معقولة التبذير ده ... دا تاني شبشب يتقطع مني في عشر سنين

مفيش أي حاجة غريبة بالنسبة لي ... و ده اللي أنا مستغربله


الجواز زي البطيخة .... مليان بذر


إوعى تيأس و تقول فات الأوان ... لسه التلاجة فيها سم من امبارح



إنت مش فاشل ... هما اللي ناجحين


مفيش حد نصب عليا قبل كده ... و عرفت أجيبه

أنا هتاجر في العملة ... حد يشتري مرتبي ب 2000 جنيه ؟؟

الحزب يدعو إلى المساواة بين المرأة و الرجل ... في التحرش

الانتخابات أسلوب ديمقراطي جدا لاختيار الأفضل و الأجدر و الأكفأ ... و إسقاطهم

الدول العربية دول ديمقراطية ... تتيح الفرصة لكل حاكم لاختيار الشعب اللي يحكمه

لسه قدامك فرصة إنك تغير من نفسك ... انهاردة مش أجازة الحلاقين

نصيحة متجربة كذا مرة: لا تشرب مخدرات أثناء القيادة .... علشان ماتخلصهاش كلها قبل ما توصل

:)))))))))))))))))))))))))))))))))))))))))))))

أنا حجزتله كل الدروس الخصوصية .. و لو احتاج .. هدخله المدرسة

الواد ده استغلالي و انتهازي و كداب و حرامي ... بس ماتشتموش

أنا لايمكن أرجع للمخدرات تاني ... اللي جرب تهريب السلاح مايسبهوش

مصر هتدخل المجال النووي ... و البداية .. نوة اسكندرية

البلاعات ... يعملوها الكبار و يقع فيها الصغار

آخر حاجة اهتم بيها هي المظهر ... المهم الشكل و اللبس


أنا مش معترض إنه يقول إن الدعم بيصل لمستحقيه .. و إن الاقتصاد المصري بخير و لم يتأثر بالأزمة العالمية.. و إن لا توريث للسلطة في مصر ... بس اللي لا يمكن اسكت عليه ,إنه يقول ... منتخب مصر كويس



أنا محتار أجيب فلوس منين ... من المحفظة و لا الدرج

حل عملي علشان تظبط مواعيدك ... ماتنزلش من البيت

إحنا صبرنا كتير و سكتنا كتير و جه الوقت اللي ننفعل فيه و نتحد كلنا و ........... نزعل

حتى الجواسيس ... صنع في الصين


بقول بأعلى صوتي و بدون خوف: الحكام العرب كلهم فاسدين ............. و ده اللي مبوّظ الكورة عندنا


:))))))))))))))))))))))))))))))))))))))))))

عودة الندل (13 ديسمبر 2010)

تفاءل و أبشر .... دلوقتي أحسن بكتير من زمان ... على الأقل تقدر تكتئب بسهولة

بعد نجاح الوزراء في دخول مجلس الشعب ... توقعت إن الريس هيرشح نفسه عن دايرة مصر الجديدة

في مصر: لكل ظالم نهاية ... سعيدة

أنا لسه مانحرفتش .... عن الضياع

طب يمين على يمينك ... مانا حالف

نسأل الحكومة تخفيض أسعار البنزين ... تيسيرا على المواطنين ... اللي عايزين يولعوا في نفسهم

دي آخر مرة أكدب و أقول إني مش هاكدب تاني

عصير طماطم بالسكر .... إيه الإسراف ده

طبعا لو الخبراء اللي في شرم كانوا مصريين ... كان تقريرهم طلع إن سبب مهاجمة سمك القرش للسياح ... ماس كهربي

بعد انتخابات مجلس الشعب الوطني الديمقراطي ..... حظ أوفر المرة القادمة لحزب الوفد ... الوطني الديمقراطي

الفراغ تاج على رؤوس العواطلية لا يراه إلا .... المرضى

الناصح هو اللي يهاجر من البلد ... بعد ما يسرقها

نحن نعيش أزهى عصر للديمقراطية و الحرية .... فعلا انا ماشفتش حد عصّر الديمقراطية و الحرية أكتر من كده
.............................................................
..............................................................

طبيعي جدا إنك تصحى جسمك تعبان بعد ما تنام نص يوم .... ما إنتا بقالك 12 ساعة من غير أكل أو شرب

لولا إن أنا قتلت العائلتين .... كانت هاتقوم مجزرة بينهم

مش لازم أكون أحسن واحد ... المهم إن كلهم يبقوا وحشين


بعد انتخابات مجلس الشعب .. اتأكدت إن المجلس فعلا سيد جمال مبارك قراره


أنا قنوع جدا و مش بتمنى من ربنا غير الصحة ... مش عايز أمسك وزارات غيرها


أنا بهدد .. الكهربا لو قطعت تاني ... أنا هاقفل النور

سمك القرش طلع على الشط .. و المية طلعت على الرصيف ... فعلا العالم أصبح قرية صغيييرة


بلاش حد يضحك عليك و يقولك إشرب سجاير علشان تبقى راجل .... مفيش راجل مابيشربش حشيش




إصرارنا على إجراء الانتخابات يعتبر ... إهدار للمال العام

انا فخور بنهر النيل الذي يعتبر أطول ... مصرف مجاري في العالم


فعلا العالم ماعدش فيه حاجة بتستخبى ... ملعون أبو خاصية إظهار رقم الطالب

ده رابع طفل يقع في نفس البلاعة ... الحكومة لازم تحل الموضوع ده .... مش كل شوية المجاري تتسد بسبب العيال

شوقيات 7 (7 ديسمبر 2010)

كلهم تخلو عني في محنتي , ما عدا واحد بس .... تخلى عني من قبل كده

إيه كل الناموس ده .... هما مش خايفين ل ننقلهم أمراضنا

أسلوب صنع الطرق في مصر ... يوزعوا المطبات و بعدين يرصفوا بينها

بعد ما شفت الأسعار ... أتأكدت إن فعلا مصر غالية علينا

يا جدعان السنة 365 يوم .. إشمعنى يعني يوم الانتخابات اللي بتاخدو بالكو من التزوير

أنا بصدق أي بياع يقولي إن هدفه يربي زبون .... لأن معظمهم شايف إن الزباين مش متربية

أنا مش هاسكت لو شفت فساد تاني .... أحسن يفكروني معترض ولا حاجة

لحد إمتى هنفضل ساكتين, الشعب كله لازم يرفض الظلم .... يعني إيه الدوري الإنجليزي يبقى متشفر

المفروض يخترعوا مسحوق غسيل بيشيل بقع الدم من الهدوم ... مش معقولة كل ما أدبح بني آدم أشتري قميص جديد

بعد حصول الحزب الوطني على 98%: بقول لكل أحزاب المعارضة ... حاولوا تاني في الانتخابات اللي جاية , جايز تنجحوا في الحصول على ...الأقلية

نصيحة أخيرة : لا تؤجل عمل اليوم إلى الغد .... لو تقدر ماتعملوش خالص


:))))))))))))))))))))))))))))))))))))))))))))))))))))))

دايما خلي عندك شخصية .... واحدة على الأقل

جمال مبارك عمره ما كان هيبقى حاحة , لولا إنه مسنود من أكبر راس في البلد ... أحمد عز

بلاش إلحاح ... بلاش إلحاح ... بلاش إلحاح .... بلاش إلحاح .... بلاش إلحاح ... بلاش إلحاح

أنا بتعلم من أخطائي ... علشان كده كل ما أحب اتعلم حاجة جديدة , أعمل غلطة جديدة

أنا ندمان على كل مرة ندمت فيها

أنا مقدم عند كذا واسطة ... لو قبلت , هأبدأ أدور على شغل

لازم نقضي على الفتنة الطائفية يا جماعة ... أرجوكم , بلاش كلام في الكورة

محدش قادر يفهمني .... أُمال مين اللي هيشرحلي؟؟

يا تري الحزب الوطني بعد ما فاز بالاغلبية و الأقلية مع بعض في مجلس الشعب ... الشعب هيجلس فين


ولّه و عملوها الرجالة .... جنب الحيطة


أنا متفائل بالمستقبل ... إن شاء الله نحقق النهضة و التقدم و القوة للدولة ... بعد ما نطمن إن حرايق غابات الكرمل بتاعتها كلها اتطفت

أنا لا يمكن أقبل على نفسي آخد فلوس حرام ... هاتلي بيهم هدية

أنا متمسك بمبادئي لحد ما أموت ... مفيش بانجو على الريق

نصيحة متجربة : لو فضلت مركز في المطب اللي قدامك ... مش هاتشوف الحفرة اللي قبله

النسر طار (5 ديسمبر 2010)

المناهج التعليمية في مصر : الحِدِق .. يحفظ

إنت محتاج واسطة كبيرة علشان توصل للمنصب ده ... حد يكون قريب من صناع القرار و كلمته مسموعة ... مش أقل من وزير ............... إسرائيلي

الجبن سيد الأخلاق ... لو مش مصدق , شوف سعر الكيلو وصل كام

أخلاق الإسلام بالنسبة لنا : الجيران لبعضها ... بالمرصاد

الاستقرار من أهم إنجازات مبارك .... فعلا إسرائيل ماكانتش مستقرة قبل مبارك

تفكير منطقي: الهيروين مش مُضر ... التدخين هو اللي بيسبب الوفاة

الانتخابات هدفها اختيار "الأصلح" و "الأجدر" ... و لو "محسن" حزب وطني هو كمان ,يبقى التلاتة هيكسبوا



وراء كل رجل عظيم امرأة ... ما بتشيلش إيدها من على الكلاكس

لو عايز تشتغل في شركة بترول ... يا تطلع مهندس بترول.. يا تطلع لعيب كورة


تكافؤ الفرص: ياريت الوزراء اللي مادخلوش مجلس الشعب ... يتعينوا محافظين

لو الريس دخل انتخابات حقيقية و نزيهة ,أكيد هيكسب و باكتساح ... معتقدش إن فيه مواطن مش هينتخبه .. في إسرائيل كلها

الجريمة الكاملة : ندعي على إسرائيل ربنا يحرقها بجاز .. و إحنا اللي نطفيها

فعلا التعديلات الدستورية ساعدت على تداول السلطة ... بين مبارك و ابنه

مجرد توقع: بعد ما ساعدنا في إغاثة إسرائيل .... غالبا النسر هيطير من على العلم

أحلامك أوامر يا شعب

كل مطالبكم مجابة :طلبتم إلغاء قانون الطواريء .. لغينا التوقيت الصيفي ... طلبتم زيادة الاجور .. زودنا ارقام التليفونات ... رفضتم المحاكمات العسكرية .. كنا اول ناس حاكمنا مبارك أمام قضاء مدني ... طالبتم بحرية الإعلام .. حررنا التليفزيون من جميع القنوات القطرية ...

شغل مخك شوية يا مواطن :

نفسك تحس بالتغيير .... سافر يومين شرم

بتطالب بتطبيق قانون الغدر ... أخدنا اول خطوة و طبقنا الغدر .. ماجتش على القانون

كرامتك بتتهان لما بتتضرب .... منعنا التصوير و محدش هيعرف

نفسك في نظام عادل يحافظ على حقوقك .... كل شركات التليفونات دلوقتي بتحاسبك بالثانية

بتطالب بالشفافية و حرية تداول المعلومات .... تقدر تنزل البوم عمرو دياب كله من على النت و محدش هيقولك تلت التلاته كام

بتكره البيروقراطية و الروتين و الإجراءات المعقدة .... برنامج إنجزلي على فودافون هيغيرلك كل أرقامك في ثواني

نفسك ماتشوفش واسطة تاني بعد الثورة .... اطمن , في خلال سنتين بس.... الشعب كله هيتعمي من الرصاص المطاطي و محدش هيشوف حاجة تاني

مفيش قدامك غير مشروع  توزيع الأنابيب بعد ما فشلت إنك تتعين في الخارجية من غير واسطة .... تأكد إنك_بعد الثورة_ هتكون اول مرشح نكلمه لو وزارة الخارجية احتاجت .......أنابيب

شايف المستقبل مظلم ... و مين قالك أصلا إننا هنسيبك تعيش لحد المستقبل


كان نفسك تطلع طيار ... حلمك حيبقى حقيقة .......... الصيدلية اللي تحتنا طالبة اتنين

عزيزي المواطن

نصيحة من كافة علماء الإسلام بمصر المحروسة نعوذ بالله من الفتن , ما ظهر منها و ما بطن, و نبرأ إلى الله من الساعين في الأرض بالفساد .. نعرف أهل مصر المحروسة أن الجعيدية و أشرار الناس هم الذين حركوا الشرور بين الرعية و العسكر المسلمين و نهبت بعض البيوت .. و لكن حصلت ألطاف الله الخفية و سكنت الفتنة بسبب رحمة و شفقة على المسلمين و محبة إلى الفقراء و المساكين .. و لولاه لكانت العسكر أحرقت جميع المدينة و نهبت جميع الاموال و قتلت كامل أهل مصر .. فعليكم ألا تحركوا الفتن و ألا تطيعوا أمر المفسدين ,و لا تسمعوا كلام المنافقين , و لا تتبعوا الأشرار و لا تكونوا من المفسدين سفهاء العقول الذين لا يقرأون العواقب من أجل أن تحافظوا على اوطانكم و تطمئنوا على عيالكم و دينكم .. فإن الله سبحانه و تعالى يؤتي الملك لمن يشاء و يحكم بما يريد .. و نخبركم أن كل من تسبب في هذه الفتنة قتلوا عن آخرهم و أراح الله منهم العباد و البلاد .. و نصيحتنا لكم ألا تلقوا بأيديكم إلى التهلكة و انشغلوا بأسباب معيشتكم و امور دينكم , و ادفعوا الخراج الذي عليكم .. الدين النصيحة و السلام "

دي صورة من صور استخدام الابواق الإعلامية و مشايخ السلطان لخدمة الظلم و الطغيان .. ف البيان السابق يتحدث عن ثورة الشعب المصري ضد احتلال الفرنسيين بقيادة نابليون بونابرت لمصر .. و هو ما اعتبره علماء السوء فتنة و نصحوا الناس بأن ينشغلوا بأسباب معيشتهم و دفع الخراج .. لأن الدين النصيحة !!!


و الحمد لله أننا نعيش في دولة تحترم عقلية المواطن و ننتمي لأمة تتعلم من ماضيها لتبني مستقبلها , فتخلصنا من هذا الزيف الإعلامي و الكذب ب اسم الدين و لم يعد مسئولا عن الإعلام لدينا من في عقولهم مرض ... و لنتشمت قليلا فيمن سبقونا و نرى كيف كان نابليون لا يحترم عقولهم و ماذا كان يقول عن نفسه في بيانه الأول للشعب المصري..

"بسم الله الرحمن الرحيم ,لا إله إلا الله ..لا ولد له .. و لا شريك له في ملكه .. من طرف الفرنساوية المبني على الحرية و التسوية ,السر عسكر الكبير امير الجيوش الفرنساوية بونابارته يعرف أهالي مصر جميعهم أن من زمان مديد و الصناجق الذين يتسلطون بالديار المصرية يتعاملون بالذل و الاحتقار في حق الملة الفرنسية و يظلمون تجارها , فحضر الآن ساعة عقوبتهم و و أضرنا من مدة عصور طويلة هذه الزمرة المماليك المجلوبين من بلاد الأباترة لا يوجد في كرة الارض كلها ,فأما رب العالمين القادر على كل شيء فإنه قد حكم على انقضاء دولتهم .. يأيها المصريين ,لقد قيل لكم إنني ما نزلت بهذا الطرف إلا بقصد إزالة دينكم فذلك كذب صريح فلا تصدقوه .. و قولوا للمفترين إنني ما قدمت إليكم إلا لأخلص حقكم من يد الظالمين ,و إنني أكثر من المماليك اعبد الله سبحانه و تعالى و احترم نبيه و القرآن العظيم .. و قولوا لهم إن جميع الناس متساوون عند الله , و إن الشيء الذي يفرقهم عن بعضهم هو العقل و الفضائل و العلوم فقط " ....................... " طوبى للذين يقعدون في مساكنهم غير مائلين لأحد من الفريقين المتحاربين ,فإذا عرفونا بالأكثر تسارعوا إلينا بكل قلب , لكن الويل للذين يعتمدون على المماليك في محاربتنا فلا يجدون بعد ذلك طريقا للخلاص .. و لا يبقى منهم أثر "


و الحمد لله مرة أخرى أن من يحكمونا اليوم لا يكذبون أبدا على شعبهم الذي أُجبر على تصديق حمايتهم لثورته و تفانيهم لإنهاء المرحلة الانتقالية و ترك السلطة التي هم فيها زاهدون .. و عن الحكم معرضون..

سيء النية هو من يعتقد أن سوء إدارة المجلس العسكري بقيادة المشير طنطاوي للمرحلة الانتقالية "ده لو هي فعلا انتقالية" بسبب رغبة المشير في عودة النظام القديم و البقاء في السلطة لحماية نفسه و البعد عن المساءلة ... و لكن المواطنين حسني النية يعرفون ان تصرفات المشير لا تعني بالضرورة رغبة المشير في البقاء في السلطة و لكن قد يكون بسبب عدم رغبة الشعب أساسا في السلطة ,فهم لا يرغبون في مساءلة المجلس و محاسبته و بالتالي لا يهم نجاح الإدارة أو فشلها
سئل سلمان الفارسي يوما "ما الذي يبغض الإمارة إلى نفسك ؟".. فأجاب : "حلاوة رضاعها و مرارة فطامها "
و ما الحل ؟؟
يقول أبو ذر الغفاري :"عجبت لمن لا يجد القوت في بيته ,كيف لا يخرج على الناس شاهرا سيفه ؟!!" و قبل أن تتهمني بالدعوة للعنف ,أحب ان انبهك إلى أن أبا ذر الغفاري كان ينتمي لقبيلة "غفار" المعروفة بالغلظة و الشدة و بقطع الطريق .. و لذلك فقد نصح الرسول (صلى الله عليه و سلم) أبا ذر بأن يضع الكلمة الشجاعة مكان السيف ... و لذلك فقد عاد أبو ذر للغة المنطق و الاقناع و كانت سلاحه لتكوين رأي عام معارض ضد "معاوية" في الشام كلها ...
فما ضاع حق من ورائه مطالب .. .رخم ... و الحدق يفهم
الخلاصة:لو ظننت أنني أشير لفكرة الرضا بالظلم خوفا من المجلس العسكري ,فأنا أعلنها بكل شجاعة و جرأة و بجاحة أيضا .. يلعن أبو المشير ............ لهذه الفكرة

المصادر :كتاب رجال حول الرسول ل خالد محمد خالد و كتاب مصر من تاني ل محمود السعدني

سوبر حِشَرِي

كل ما نعرفه عن "سيد" هي مذكراته التي كتبها بخط يده و وجدناها بمحض الصدفة .. عندما نساها في جيب البنطلون و هو رايح المكوة ... استعرناها من المكوجي بخمسة جنيهات للاطلاع بعد ان رفض بكل شهامة ان يبيعها لنا تماما .. بأقل من عشرين جنيه..
يقول "سيد" عن نفسه :أنا مهندس إلكترونيات ..أو كما يقول الأغبياء عني "فني تليفزيونات"
من اهم مميزاتي _على كثرتها _ تواضعي الشديد و إنكاري لذاتي .. و إني مش بحب اتكلم عن نفسي كتير
المكوجي مقاطعا:(ده طبعا لو هو اللي طالب) .. يكمل "سيد" : انا مواطن مصري بسيط أحرص دائما على الابتعاد عن المشاكل , لا أتدخل في شئون غيري إلا لو دعت الحاجة لذلك .. و الشهادة لله الحاجة دايما تدعيلي إني أقدر أصلح من نفسي و من غيري .. و لإني و لله الحمد عيوبي قليلة و أستطيع التغلب عليها في أي وقت ,فقد قررت أن أهب حياتي لإصلاح الناس .. و التليفزيونات..
احاول بقدر الامكان أن أنصح من أستطيع أن انصحه , و اللي يرفض إنه ينصلح حاله ,يبقى لا مجال امامي سوى استخدام العنف و بضربة على دماغه بيجيب صورة على طول ..أقصد يعني بيسمع الكلام على طول.
مش عارف إيه متعة اللي بيقعدوا يجيبوا في سيرة الناس .. و مين عمل إيه و مين راح فين .. أنا إذا كنت ب أضطر اعمل كده ف ده من باب الاعتبار و علشان أعرف لو حد ناوي يعمل حاجة غلط او مش عارف مصلحته ,أعرفهاله. يا ريت كل الناس زيي
من صغري و انا عودت نفسي إني يكون ليا هدف محدد .. و ده اصبح عبء عليا لما كبرت لأني كنت بضيع وقت كتير جدا في تحديد هدفي من بين عشرات الأقارب و الجيران , و لذلك قررت أرتبهم بالسن و بالأولوية .. يعني انصح الكبير قبل الصغير ..لكن لو الصغير مش حالق دقنه كويس ,يبقى الأولوية تقتضي إني أفهمه غلطه الاول .. و هكذا
أحيانا يختلط عليا الامر و أنسى ظروف كل شخص إيه و ده ممكن يسبب مشاكل , زي اللي حصل لما نصحت جاري المحاسب إنه يبر أباه لأنه اشتكاله مني في حين إن أبوه كان متوفي من سبع سنين , و نصحت جاري الآخر إنه يغير عربيته لأن موديلها قديم و شكلها "عره" قدام الناس .. و هي أساسا هدية من والده المحامي الكبير ...... قصر الكلام قررت إني أشتري كراسة أكتب فيها ملاحظاتي على كل شخص ,منعا للخلط و حتى علشان لو مت أبنائي يكملوا المسيرة من بعدي
و علشان املأ الكراسة لازم معلومات كتيرة .. و طبعا إنتم عارفين المصريين و إزاي بيحبوا يفتوا في كل حاجة .. و لذلك قررت اجيب المعلومات من مصادرها الأصلية .على قد ما أقدر .. لا يكلف الله نفسا إلا وسعها ...و لأني شخص منظم جداا و دي ميزة نسيت اذكرها و انا بتكلم عن مميزاتي .. قررت تقسيم الجيران أبجدي .. و جنب كل اسم الحالة الأجتماعية و الصحية و الموقف من التجنيد كمان
الحقيقة أنا مش فاهم لحد دلوقتي ليه الناس كان شكلها بتزعل مني لما أروح أسألهم بنفسي عن معلومات ضرورية بكون محتاجها علشان أقدر احدد هنصح مين و هاقوله إيه بالظبط .. . بعض الناس كان بيتجاوب معايا بصورة إيجابية جدا و يتفهم شغفي لمعرفة "هو ماله النهارده" و يبادلني السؤال بشغف أكبر لمعرفة "أنا مال أهلي" و بعضهم كان ضيق الافق و غير متعاون بالمرة ف لا يرد على أسئلتي و بذلك أضيف لقائمة النصائح التي سأوجهها له نصيحة جديدة لشرح آداب الحوار
أكره من يقول عليا "حشري" ف انا مثل سوبر مان أو سبايدر مان .. أنقذ الناس من أفعالهم دون أن يطلبوا مني ذلك و لذلك لا أشعر بأي نوع من انواع تأنيب الضمير عندما يتجنبني بعض الناس أو يصفوني بأني فضولي و أتدخل في شئون غيري ..  و قد قررت الاستمرار بمزيد من الاصرار على الاهتمام بأحوال الناس و توجيههم ..... خصوصا لو فشلت محاولتي الثالثة و الاخيرة للانتحار بعد فشل حياتي الاجتماعية و المهنية ....... سيد

شهادة "أبو السييد"

الثورة قامت للقضاء على الظلم و الخوف ... و تحقيقا للشفافية و لأننا شعب يحكم نفسه و من حقه يعرف إيه اللي بيحصل في محاكمة المخلوع .. ننشر شهادة "أبو السييد" كما نقلها أحد الحضور ... و لو اللي نقلها كداب ف ده ذنب اللي حظروا النشر من الأول :

س١ : حصل اجتماع يوم 22 يناير، هل ورد إلي رئيس الجمهورية السابق ما دار في هذا الاجتماع وما أسفر عنه وما كان مردوده ؟

ج1 : الاجتماع كان برئاسة رئيس الوزراء واعتقد أننه بلغ

س2 : بداية من أحداث 25 يناير وحتي 11 فبراير هل تم اجتماع بينك وبين الرئيس السابق حسني مبارك ؟

ج2 : ليست اجتماعات مباشرة ولكن يوم 28 يناير لما أخذنا الأمر من السيد رئيس الجمهورية كان هناك اتصالات بيني وبين السيد الرئيس ؟

س3: ما الذي أبداه رئيس الجمهورية في هذه اللقاءءات ؟

ج3: اللقاءات بيننا كانت تتم لمعرفة موقف القوات المسلحة خاصة يوم 28 وعندما كلفت القوات المسلحة للنزول للبلد ومساعدة الشرطة لتنفيذ مهامها كان هناك تخطيط مسبق للقوات المسلحة وهذا التخطيط يهدف لنزول القوات المسلحة مع الشرطة وهذه الخطة تتدرب عليها القوات المسلحة، القوات المسلحة بتنزل لما الشرطة بتكون محتاجة المساعدة وعدم قدرتها علي تنفيذ مهامها وأعطي الرئيس الأمر لقائد

القوات المسلحة اللي هي نزول القوات المسلحة لتأمين المنشآت الحيوية وهذا ما حدث

س 4 هل وجه رئيس الجمهورية السابق المتهم محمد حسني مبارك أوامر إلي وزير الداخلية حبيب العادلي باستعمال قوات الشرطة القوة ضد المتظاهرين بما فيها استخدام الاسلحة الخرطوش والنارية من 25 يناير حتي 28 يناير ؟؟

ج4 : ليس لدي معلومات عن هذا واعتقد ان هذا لم يحدث

س5 : هل ترك رئيس الجمهورية السابق للمتهمين المذكورين من أساليب لمواجهة الموقف ؟

ج5 : ليس لدي معلومات

س6: هل ورد أو وصل إلي علم سيادتك معلومات أو تقارير عن كيفية معاملة رجال الشرطة ؟

ج6 : هذا ما يخص الشرطة وتدريبها ولكني أعلم ان فض المظاهرات بدون استخدام النيران

س7 : هل رصدت الجهات المعنية بالقوات المسلحة وجود قناصة استعانت بها قوات الشرطة في الأحداث التي جرت؟

ج7 : ليس لدي معلومات

س8 : تبين من التحقيقات إصابة ووفاة العديد من المتظاهرين بطلقات خرطوش أحدثت إصابات ووفيات..هل وصل ذلك الأمر لعلم سيادتك وبم تفسر ؟

ج8: إنا معنديش معلومات بكده.. الاحتمالات كتير لكن مفيش معلومة عندي

س9 : هل تعد قوات الشرطة بمفردها هي المسئولة دون غيرها عن إحداث إصابات ووفيات بعض المتظاهرين ؟

ج9 : إنا معرفش ايه اللي حصل

س10 : هل تستطيع سيادتك تحديد هل كانت هناك عناصر أخري تدخلت ؟

ج10 : هيا معلومات غير مؤكدة بس اعتقد ان هناك عناصر تدخلت

س11 : وما هي تلك العناصر ؟

ج11 : ممكن تكون عناصر خارجة عن القانون

س12 : هل ورد لمعلومات سيادتك ان هناك عناصر اجنبية قد تدخلت ؟

ج12 : ليس لدي معلومات مؤكدة ولكن ده احتمال موجود

س13 : وعلي وجه العموم هل يتدخل الرئيس وفقا لسلطته في ان يحافظ علي أمن وسلامة الوطن في إصدار أوامر أو تكليفات في كيفية التعامل ؟

ج13 : رئيس الجمهورية ممكن يكون أصدر أوامر - طبعا من حقه ولكن كل شئ له تقييده المسبق وكل واحد عارف مهامه

س14 : ولمن يصدر رئيس الجمهورية علي وجه العموم هذه الأوامر ؟

ج 14 : التكليفات معروف مين ينفذها ولكن من الممكن ان رئيس الجمهورية يعطي تكليفات مفيش شك

س15 : وهل يجب قطعا علي من تلقي أمر تنفيذه مهما كانت العواقب ؟

ج15 : طبعا يتم النقاش والمنفذ يتناقش مع رئيس الجمهورية وإذا كانت الأوامر

. مصيرية لازم يناقشه

س16: هل يعد رئيس الجمهورية السابق المتهم محمد حسني مبارك مسئول مسئولية مباشرة أو منفردة مع من نفذ أمر التعامل مع ألمتظاهرين

الصادر منه شخصيا

ج16 : إذا كان أصدر هذا الأمر وهو التعامل باستخدام النيران أنا اعتقد ان المسئولية تكون مشتركة وأنا معرفش ان كان أعطي هذا الأمر أم لا

س17: وهل تعلم ان رئيس الجمهورية السابق كان علي علم من مصادره بقتل المتظاهرين ؟ ج17: يسأل في ذلك مساعديه الذين ابلغوه هل هو علي علم أم لا

س18: وهل تعلم سيادتكم ان رئيس الجمهورية السابق قد تدخل بأي صورة كانت لوقف نزيف المصابين ؟

ج18 : اعتقد انه تدخل وأعطي قرار بالتحقيق فيما حدث وعملية القتل وطلب تقرير وهذه معلومات

س19: هل تستطيع علي سبيل القطع والجزم واليقين تحديد مدي مسئولية رئيس الجمهورية السابق عن التداعيات التي أدت إلي إصابة وقتل المتظاهرين ؟

ج19 : هذه مسئولية جهات التحقيق

س20: هل يحق وفقا لخبرة سيادتكم ان يتخذ وزير الداخلية وعلي وجه العموم ما يراه هو منفردا من اجراءات ووسائل وخطط لمواجهة ؟التظاهرات دون العرض علي رئيس الجمهورية ؟

ج20: اتخاذ الاجراءات تكون مخططة ومعروف لدي الكل في وزارة الداخلية ولكن في جميع الحالات يعطيه خبر بما يخص المظاهرات ولكن التظاهر وفضه - يتبع

ج٢٠-2 : ولكن التظاهر وفضه هي خطة وتدريب موجود في وزارة الداخلية

س21 : وهل اتخذ حبيب العادلي قرار مواجهة التظاهر بما نجم عنه من إصابات ووفيات بمفرده بمساعدة المتهمين الاخرين في الدعوى المنظورة - يتبع
س٢١-2 : وذلك من منظور ما وصل لعلم سيادتك ؟ ج 21 : معنديش علم بذلك
س22 : علي فرض إذا ما وصلك تداعيات التظاهرات يوم 28 يناير إلي استخدام قوات الشرطة آليات مثل اطلاق مقذوفات نارية أو استخدام السيارت لدهس -يتبع
س22-2 : سيارات لدهس المتظاهرين..هل كان أمر استعمالها يصدر من حبيب العادلى يصدر من حبيب العادلى ومساعديه بمفردهم ؟
ج 22 : ما أقدرش أحدد اللي حصل أيه ولكن ممكن هو اللى اتخذها وأنا ما أعرفش واللى اتخذها مسئول عنها
س23-2 : بمختلف قواتها أو أنه لم يوجه إلى الأول سمة أوامر أو تعليمات بشأن التعامل والغرض أنه هو الموكل إليه شئون مصر والحفاظ على أمنها ؟
ج23 : أنا ما أعرفش اللى حصل أيه لكن أعتقد إن وزير الداخلية بيبلغ وممكن ما يكونش مش عارف بس أنا ما أعرفش
س24 : هل هناك اصابات أو وفيات لضباط الجيش ؟ ج 24 : نعم هناك شهداء
س25 : هل تعاون وزير الداخلية مع القوات المسلحة لتأمين المظاهرات ؟ ج 25 : لأ
س26 : هل أبلغت بفقد ذخائر خاصة بالقوات المسلحة؟ ج26: مفيش حاجة ضاعت لكن هناك بعض الخسائر في المعدات واتصلحت ومفيش مشكلة
س27: هل أبلغت بدخول عناصر من حماس أو حزب الله عبر الأنفاق أو غيرها لإحداث إضرابات ؟
ج27 : هذا الموضوع لم يحدث أثناء المظاهرات واحنا بنقاوم الموضوع ده واللي بنكتشفه بندمره وإذا كان فيه حد محول لمحكمة فهذا ليس أثناء المظاهرات
س28: هل تم القبض على عناصر أجنبية في ميدان التحرير وتم إحالتهم للنيابة العسكرية ؟ ج28: لا ..لم يتم القاء القبض على أى أحد
س29: فى الاجتماع الذي تم يوم 20 يناير هل تم اتخاذ قرار بقطع الاتصالات؟ ج29 : لم يحدث
س30: بعض اللواءات قالوا طلب منا فض المظاهرات بالقوة..هل طلب من القوات المسلحة التدخل لذلك ؟
ج30: أنا قلت فى كلية الشرطة في تخريج الدفعة إن أنا بأقول للتاريخ إن أي أحد من القوات المسلحة لن يستخدم النيران ضد الشعب

شوقيات 6 (1 ديسمبر 2010)

أنا مش عارف الغواصين بيطيقوا ريحة السمك إزاي

الواد خلاص يئس : كل ما ييجي ينتحر .. يطلع السم منتهي الصلاحية

تجارة الاعضاء دي حظوظ ... واحد يبيع كليته ب 10,000 جنيه و واحد يبيع صوته ب 100 جنيه

يا بخت المرأة .. بقالها كوتة و ضمنت تمثيلها في مجلس الشعب .... عقبال الرجل

صفقة الموسم ... موجة كوميدي اشترت كل حلقات المسلسل الكوميدي ... خُطب القذافي

الكييف هو اللي جايبني ورا .... كل فلوسي رايحة على الفول السوداني

أكيد نهر النيل ملوث .... لأن كل الفضلات اللي فيه جاية من حيوانات .. مريضة

التغيير قادم لا محالة ... أُمال يعني هفضل قاعد بنفس الهدوم طول اليوم

بما إن أثيوبيا إتجرأت علينا ... لازم نهاجمها بكل أسلحتنا ... الشجب و الإدانة


شوف الكذب ... مسئول الحزب بيؤكد إن الإنتخابات نزيهة ... طب نزيهة و قلنا ماشي ,فين الانتخابات دي بقى

طبعا أنا عندي روح رياضية : بالرغم من إنه شتمني 3 مرات .... أنا ماقتلتوش ... غير مرة واحدة بس

لكل اللي ملحقش يزور أو يبلطج .... هنعيد

انتخابات البرلمان كانت فعلا شيء حضاري .... يا ريت كان عندنا واحدة زيها

أخيرا : في مصر .... السلطة سلاح ذو حدين .... و الاتنين بيعوروا
:)))))))))))))))))))))))))))))

قمة الكسل ... إنك تفضل تتفرج على التليفزيون ساعتين .... و هو مقفول

أبرز صور التضخم و ارتفاع الأسعار ... وصول سعر الصوت الانتخابي 100 جنيه

بعد كده هيعملو الانتخابات بين أعضاء مجلس الشعب علشان يشوفوا مين اللي هيدخل الحزب الوطني

زمن الوحوش : خليك واثق في نفسك .... لو واخد عليها إيصالات أمانة

أنا مش منافق .... بالرغم من إن كل رؤسائي ملايكة

لولا الجرائد و الصحف المصرية .... ماكناش عرفنا نلمع الإزاز

تحية للنادي الأهلي بعد نجاحه في التعادل مع سموحة .... ياترى سموحة هيلاعب مين الماتش اللي جاي ؟؟

قطر تغلبت على الولايات المتحدة في تنظيم كاس العالم .... عقبال ما نسمع إن قطر احتلت كندا و ضربتها من أكبر قاعدة عسكرية قطرية موجودة في أمريكا

عصر الرجل قادم ... من بكرة إحنا اللي هنتفرج على الماتش في البيت و هما اللي هيتفرجوا على المسلسل على القهوة

قمة الإصرار : إنك تفضل تحاول عشرين مرة بالرغم من إنك نجحت من أول مرة

هو أنا كل ما أغرق .. هيجيلي برد ولا إيه

بعد ما فضلت أتكلم مع نفسي ساعتين توصلت لحاجة مهمة .... إحنا ماعندناش انفصام في الشخصية

:))))))))))))))))

شوقيات 5 (18 نوفمبر 2010)

الرجالة ماتوا في الحرب ............... ياااه هو الأكل المسرطن من أيامها

المرأة نص المجتمع ............. اللي مابيعرفش يركن

الراجل بيتربط من لسانه ......... في أمن الدولة بس

مفروض يكتبوا على وسائل المواصلات تحذير زي اللي على علب السجاير .. و بعد كده اللي عايز يركب هو حر

قصة حقيقية:سيد شكمان .. ده مش اسمه الحقيقي .. هو رفع قضية علشان يخليه كده ...
اسمه الحقيقي فتحي شكمان

صدقني لا الواسطة هتنفع و لا الرشوة هتنفع ..... لازم الاتنين مع بعض

أنا مش زهقان ..... أنا اللي زهقت الملل

المشكلة مش لما ماتلاقيش حد ينصحك .... المشكلة لما يبقى كل الناس بتنصحك

إيه قلة الذوق دي ... مفيش ولا مطعم عامل ركن خاص للمحششين

لو حد دراعه اتكسر يحمد ربنا أنه متقطعش و لو حد دراعه اتقطع يحمد ربنا أن رقبته متكسرتش و لو رقبته اتكسرت يحمد ربنا ... أنه موقعش في إيد أمين شرطة معاه اتنين مخبرين

العيد فرحة ..... للجزارين و الحلاقين

أهم حاجة: كل اللي شاغل تفكيري .. هافكر في إيه بعد ما أخلص تفكير
:)))))))))))))))

مَن جَد وجد ... اللي يعطله


تغيير النظام مش شيء مستحيل .... فقط اتصل ب 444 لو كنت موبينيل


الفرصة لا تأتي إلا لمن يستحقها .... عن طريق أبو من يستحقها


لازم تشارك في الانتخابات,إوعى حد يضحك عليك... ماتبيعش صوتك ب أقل من عشرين جنيه


بلاش نظلم الحكومة ... أكيد مايعرفوش إن العيش فيه زلط و مسامير ... و إلا كانوا غلّوه


ذاكر تنجح ... أول مرة أعرف أن دخول الحزب الوطني محتاج مذاكرة


يا رب يا بني أشوفك وكيل نيابة قد الدنيا .... زي الأستاذ تامر أمين


بعد قرار منع دخول التليفون المحمول لأقسام الشرطة .... نرجو إصدار قرار بمنع دخول المطاوي المدارس


ماذا لو كان حسام البدري دخل الحزب الوطني ؟؟

كانت جماهير الأهلي هتخرج في مظاهرات تطالبه بالتنحي عن الاستقالة

عزل عامل غرفة تغيير الملابس لأنه السبب في هزيمة الأهلي

صدور قرار ب حَلّ نادي الزمالك و اعتقال حسام و إبراهيم حسن

إعلان الاسماعيلية منطقة عسكرية و حظر التجول فيها بعد 5 مساءا

كشف المؤامرة الصهيونية للقضاء على الأهلي في جميع الجرائد القومية

حسام البدري هيفضل يتغلب بالأهلي 30 سنة على الأقل

و أخيرا ... غالبا الأهلي هيلعب في الدوري ب أربع فرق


بدأت أشوف حاجات مكتوب عليها صنع في مصر .... أكيد مصر دي اسم شركة جديدة في الصين

:)))))))))))))))))))))))))))))))))))))))))))

الشعب المصري معظمه متأكد إن صوته مهم و الإنتخابات نزيهة, علشان كده شارك ,و ده كان سبب رئيسي في فوز.... محمد عطية

الحكومة تعمل من أجل سلامة المواطن , عملا بمبدأ ... مِن خاف سِلِم

.بالمقلوب مصر في ماشية حاجة كل مش

الفلوس الحاجة الوحيدة في مصر اللي بترخص بالرغم من إنها .... نادرة الوجود

إحنا بنستورد العلم المصري من إسرائيل .... عقبال ما نوقع معاهم إتفاقية دفاع مشترك

إجري جري المواطن ورا الأوتوبيس .... غير رزقك لن تحوش

أسهل طريقة تركني بيها عربيتك .... تسيبيها لواحد يركنهالك

أنا مع زيادة الرقعة الزراعية في مصر لتحقيق الاكتفاء الذاتي من .... البانجو

الرياضة مفيدة جدا .... لصاحب الجيم


خاصية إظهار رقم الطالب مش كفاية .... مفيش خاصية إظهار هدف الطالب بالمرة

حسبي الله و نعم الوكيل ... أنا صوتي الانتخابي اتزور .... طب الراجل اللي أخدت منه 80 جنيه ده علشان أنتخبه , أقوله إيه

الكرامة المصرية : الحكومة تسمح للضباط الاسرائيليين بتفتيش المسافرين لاسرائيل "في مطار القاهرة" و ترفض التدخل الأجنبي في الشئون المصرية

نصيحة أخيرة : لا تبكِ على اللبن المسكوب .... لو مش بتاعك

:))))))))))))))))))))))))))))))))))))

شوقيات 4 (9 نوفمبر 2010)

يا عزيزي كلنا ............... مصريون
انا لا يمكن أفكر في الانتحار ..... لأني من كتر اليأس مش قادر أفكر

أنا بحبه قوي ... مش بس علشان أخويا التوأم .... ده كمان أخويا في الرضاعة

أنا مش متردد ...... ولّا أنا متردد ؟؟؟

سكتناله دخل ب .... ابنه .... على حماره

حافظ على نظافة مدينتك ..... لو راجل

بلاش تحقد على حد راكب طيارة خاصة.................ده أكييييييييييييييييييييييييييييييد مش سعيد في حياته

أنا مش هأقتلك علشان العشرة جنيه اللي أخدتها مني .... أنا مش هايف ... أنا هأقتلك علشان العشرين جنيه اللي قبل كده

لا يا باشا....حاشا لله ... معارضة أيه ... أعوذ بالله....أنا تاجر مخدرات

القومية العربية....لو الحكام العرب كلهم اتفقوا على رأي واحد...... هيختلفوا مين اللي يقوله

أنت مواطن نمروود...لا عاجبك أن الريس يقول أننا عايشين في استقرار ... و لا عاجبك أنه يقول أن قانون الطواريء علشان مفيش استقرار

أكيد أمن الدولة من أيام الفراعنة... أُمال المسلات دي كلها مين اللي عملها؟؟

أنا مش مجنون ..و ده مش رأيي لوحدي....كابتن ماجد و جرينديزر هما اللي قالولي كده و احنا بنتعشى سوا امبارح

الطرود المفخخة دي بتاعت الأجانب الفرافير..اللي لا بيركبوا عبارات و لا بيمشوا على الدائري..حتى الموت بيوصلهم لحد عندهم..


آخر حاجة...شعار أمن الدولة.... اضرب في المربوط .... لحد ما نربطلك الباقيين

نسيت أقول ... الكدب مالوش رجلين .... علشان كده عمره ما هيمشي من مصر

:)))))))))))))))))))))))))))))))))

نتيجة تكليف خريجي جامعة المنصورة ............. لم ينجح أحد


بعد ما جزمتي اتسرقت مرتين في نفس الجامع............. قررت أصلّي بعد كده في القسم


التغيير: كل ما جزمتي تتسرق أشتري شبشب جديد أروّح بيه ..... لذلك قررت أمشي بعد كده بالشبشب علشان لما يتسرق , أشتري جزمة جديدة أروّح بيها


شعار الحزب الوطني في الانتخابات..... علشان تطّمن على مستقبل أولادك ...... خصوصا جمال


المواجهة قبل الهروب ..... يعني اشتم قبل ما تجري


استرجل.. أشرب من مية النيل


الواسطة ملهاش أي دور في نجاحي ...... الفلوس بتشتري كل حاجة


حكاية غريبة : أسامة غريب و عباس غريب و لطفي غريب,التلاتة غُرب مش من هنا ..... أنا مستغرب


بقول لأي حد مقاس رجله 43 ...... متصليش في الجامع اللي جنب البنزينة



أنا اللي مستهتر....كان مفروض بعد كل ركعة أسلم و أبص أطمّن على الجزمة



مش معنى أني أول ما بصيت على عربيته,الآخر موديل ال2000 سي سي المريحة جداااا جداااااااا , الكوتّش فرقع...أني حسدته


أحنا دولة مؤسسات .... زي مؤسسة جمال مبارك و مؤسسة أحمد عز


منتهى الشفافية... أيوة فيه فساد , أيوة فيه تزوير و برده الريس هينجح في الانتخابات


الريس محتاج فترة رئاسة سادسة لكي نكمل مسيرة الأصلاح...... طب ما نبيعها و نشتري واحدة جديدة




حاجة تكسف: مصر أمانة ,,,, و صوتك أمانة .... و .. الاتنين معانا

:)))))))))))))))))))))))))))))))))))))))))))))))))

شعار حركة تكليف الخريجين .... خِريج, طير انتا

الصورة الوحيدة اللي لو نزلت على علب السجاير , كل الناس هتبطل تدخين ..... صورة الريس

عيد مبارك .. مصر مبارك .. يا ترى مين فيهم اللي هيمسك الحكم بعد .. جمال مبارك

الانتخابات في مصر عبارة عن فيلم ..... و للكبار فقط كمان

لو القطر فاتك .... انتحر انت و خلاص

أكيد أنا مبعرفش أطبخ .... دي تاني مرة أحرق الشراب و أنا بنشفه في الميكرووييف

ده لو اسرائيل هي اللي موزعانا في التكليف ... مش هيهون عليها تعمل فينا كده

"صعبة " دي أسهل كلمة ممكن نقولها على الظروف اللي احنا فيها

بعد ظهور نتيجة التكليف الواسطة هتشوف شغلها .. و على اللي معندوش واسطة مراعاة فروق التظبيط

مفيش توريث .... يورثها ازاي و هي مكتوبة ب اسمه في الشهر العقاري

المكان الوحيد اللي أنا متأكد أن السحابة السودا ما وصلتلوش .... درج مكتبي

كل ما أشوف برنامج " واحد من الناس" أقول دي أسوأ حالة ممكن نوصلها .... لحد ما أشوف الحلقة اللي بعدها

احمد ربنا أنك مصري ..... و لسه على قيد الحياة

أنا مش متأكد ان الزمالك هياخد الدوري .... الأكيد أن الريس هينجح في الانتخابات

ما طول عمر العنف في المدارس و السرقة في الجوامع و التعذيب في الأقسام و التحرش في العيد .... بس مصر هتفضل بلد الأمن و الأمان

حرق قش الأرز هو السبب في السحابة السودا .... هو " مختل عقليا " مات ولا أيه ؟؟

حتى لوني قمحي ... لون وقودك الحيوي يا أمريكا

جملة التدخين يسبب الوفاة اللي على علب السجاير .. هي السبب الرئيسي لاقبال المواطن المصري على التدخين

مش آخر حاجة ..البحر بيضحك ليه ... ماهو شايف اللي بيترمي في النيل

:))))))))))))))))))))))))))))))

ده رابع خروف ينتحر قبل ما ادبحه ... أنا مش هحكيلهم على ظروفي تاني
السفينة الوحيدة في مصر اللي لو ماغرقتش مفيش قراصنة هيخطفوها .... سفينة الصحراء

لو خايف على نفسك ماتركبش أي وسيلة مواصلات ... و لو مش بتخاف , تبقى مش مصري

إيه يعني الهواء ملوث ... حد قالك تشمه

المستحيلات الأربعة ... الغول .. العنقاء ... الخِل الوفي .. و .. محمود بكر

ممكن طبعا ربنا يهدي واحد بيزوّر بقاله 30 سنة ... خصوصا لو ابنه كبر و هيزوّر بداله

مش ناقص الأهلي غير حاجة واحدة علشان أتأكد أنه بيعيد سيناريو فشل الزمالك من 6 سنين ... يرسم خطين لونهم أبيض على الفانلة بتاعته

ماتلعبش في عداد عمرك .... هو مش ناقص

أكيد كلمة "متطورة " مدسوسة على شعار الحزب الوطني اللي كاتبينه على كل الحيطان ... مدرستي "نظيفة""جميلة"متطورة

مفيش زحمة في الشوارع ..... فيه شوارع حوالين الزحمة

ارتفاع الأسعار .... هو ده اللي اسمه ... "لِبس" العيد

بعد ما الصين حلت مشكلة الفانوس و السجادة و العروسة .... مفيش خروف صيني ؟؟

الزبون الوحيد للسوق العربية المشتركة ..... اسرائيل

أعرف ازاي اذا كان فيه تلوث في الجو ولا لأ .... السحابة السودا مش مخلياني شايف أي حاجة

سؤال يطرح نفسه , لأن مفيش حد يجرؤ يطرحه .... هي اسرائيل لو قضت علينا ... هتشتري الغاز بالرخص ده منين؟؟؟

حقيقة مؤسفة ... لو هاجمت رئيسك في الشغل هتتبهدل أكتر ما تهاجم رئيس الجمهورية

السيكو سيكووووووو (3 نوفمبر 2010)

دخل الساعى "هاني" على ضابط المخابرات "س.س" و ف أيده علبة صغيرة.....
س.س: خير يا هاني؟
هاني: ربيع باشا بيقولك العلبة دى لسة واصلة حالا من تل أبيب و فبها جواب مكتوب بالشفرة.
س.س: يا نهار أبيض...و بعتهالي معاك؟؟
هاني: هو كان عايز يجيلك بنفسه بس هى جاتله و هو قاعد على القهوة اللى تحت و كان لسه ما خلصش دور الطاولة فقالي أجيبهالك....بس متقلقش ربيع باشا أكد عليا محدش ياخد العلبة غيرك..
س.س: و حد غيرك عرف الموضوع ده ؟؟
هاني: عيب يا باشا هو انا تلميذ...مفيش غير محسن القهوجي و المعلم نعناع و مشمش.
س.س: مين مشمش ده؟؟
هاني: ده سواق الميكروباص اللي جابها من تل أبيب...


فتح س.س الجواب (متشربش النسكافيه تاني يا سيكو سيكوووووووووووووووووو) ده فعلا مكتوب بالشفرة....اجري يا هاني هاتلي كتاب الشفرة من تاني درج في المقر السري

هاني:انا دورّت قبل ما أجيلك و مالقيتهوش
س.س:شفته على الترابيزة جنب البلاي ستيشن؟؟
هاني: مش موجود
س.س:طب روح دوّر في أوضة التعذيب..جايز نسيته هناك ولا حاجة
هاني: أنا لسه جى من هناك و فرعون بيه مكركب الدنيا خالص...هستنى لحد ما ينضفو الدم علشان أعرف أدوّر كويس..


فى هذه اللحظة دخل "ربيع":الرسالة طلع فيها أيه يا س.س؟
س.س: أنا مش لاقي كتاب الشفرة سيادتك..
ربيع: أزاي تضيع كتاب مهم زي ده...دى مصر يا س.س عارف يعني أيه مصر...،أنا كنت عامل حساب الظروف اللي زي كده و سايب نسخة من الكتاب عند "حماده" ابن خالتي...كلمه يجيبهولك علشان معييش رصيد.. و لا بلاش تكلمه أحسن على طول بينسى موبايله فى المكتب و يقعد يتفرج على التليفزيون.. ابعتله رسالة على ميلودى و قوله ربيع ابن خالتك بتاع المخابرات عايز كتاب الشفرة بتاع جنوب أفريقيا...أوعى تغلط و تقول تل أبيب ..أهم حاجة فى شغلنا السرية...مصر أمانة فى أيدينا..


و بعد ما "حماده" جه....أنا آسف أنى أتأخرت بس أول ما قريت الرسالة أخدت الكتاب من نوسة بنتي الصغيرة و جيت جري..
ربيع: يا جدع أنا مش منبه عليك متخليش نوسة تلعب فى الكتاب ده بالذات..كتاب أيران ماشى ,كتاب الجزائر ماشي بس بلاش بتاع أسرائيل...دى بتحفظ الشفرة و تقولها لأصحابها فى المدرسة...جواسيسنا اشتكو مش عارفين نشتغل


و هنا دخل س.س:فكيت الشفرة يا فندم
ربيع: طمني بتقول أيه..حمادة مش غريب..
س.س:بتقول...(أنا أتقبض عليا بسبب كتاب الشفرة اللي أنت نسيته معايا يا غبيييييييييييييييييييييييييييييييييييييييييي

شوقيات 3 "نشرت في 1 نوفمبر 2010"

لازم تقتنع أنك مهم جدا.........بالنسبالك

الخلافات الزوجية...هو يجيبلنا شلل أطفال و هى ترعى الحملة القومية للتطعيم ضد شلل الأطفال

فعلا الغش وصل منتهاه.....حتى الصابونة كل ما استخدمها تصغر

القراءة للجميع.....عقبال الأكل و الشرب و التعليم و العلاج و الديمقراطية

أنا مش عندى ربع ضارب.....أنا عندى ربع سليم

أنا مش متواكل...أنا بس مستني قريبي اللى فى البرازيل يموت عشان أورثه و أبدأ مشروعي

بقول لكل اللى محضرش حفلة التخرج...كانت حلوة قوى...متفوتهاش المرة  الجاية

مشربتش من نيلها.....أمال جالك فشل كلوى منين؟؟

محدش بيتعلم ببلاش.....و لا بفلوس

لأ حرف الصصصصصصصصصصصصصصصصصاد مش معلق عندى خالصصصصصصصصصصصصصصصصصص

زمان:اكفل طفل يتيم...و بعد مجهودات مبارك.....اكفل قرية فقيرة

قمة الاحترام:أنا مبكلمش بنات.............ولا ولاد

بعد الطماطم ما رخصت......شكلها متغيرش قوى يعنى عن آخر مرة شفتها

كيف تصنع تلاجة كبيرة:........تجيب شوية برد و تحطهم فى علبة كبيرة

طبعا الرؤية واضحة و أنت سايق الصبح.......ماهو كل العماويد منورة

نفسي أعرف مين اللى سرق أدواتى......عشان أديله البالطو

كيف تصنع تلاجة صغيرة.......تقسم التلاجة الكبيرة اتنين

لا مساس بمحدود الدخل...............سيبوه يموت لوحده زى الكلب

الكورة أجوان............ وملعب و لعيبة و حكام

الوقت سرقنا.......هى جت عليه
ليت الشباب يعود يوما............و ياريت لو يوم جمعة

يادى النيلة.....هو أنا كل ما اشترى شبكّة.......تطلع مخرومة

ياما فى السجن..........مساجين

بلدنا غالية قوى.............بس مش هنختلف فى السعر

منتهى الأيجابية.............بدلا من أن تلعن الظلام..........العن أبو اللى كان السبب فى الظلام

:)))))))))))))))))))))))))))))

الوطن الذى طلبته مرفوع دائما من الخدمةلحل مشكلة السكان تحت خط الفقر...بقترح على الريس يمسح الخط و يرسمه تحت شوية

السيد أحمد نظيف شايف أن الحد الأدنى للأجور لا يجب أن يزيد عن 400 جنيه شهريا.....مصيبة ليكون يقصد أجور كل المصريين على بعض

فتَّح مخك........استخدم كريم أيفا

أنا مستحيل أبيعك يا صاحبي....هو في حد أصلا هيرضى يشتريك

لازم نقضي على البيروقراطية و الروتين....اللي عايز يشترك معايا يجيب صورتين من البطاقة و صورة شخصية مختومة بختم النسر و مينساش شهادة اثبات الجنسية و يكون ماضي عليها اتنين موظفين لا يقل مرتبهم الشهرى عن 400 جنيه

أوعى تيأس و تخبط دماغك فى الحيط.....اشرب من البحر

بلاش تمشي حافي....اجري

شعب غريب.....يرمي فضلاته في النيل ...و يروي الزرع ب مية مجاري

لو لم أكن مصريا....كان الاسعاف لحقني قبل ما أموت

• ليه هنتخب مبارك؟؟ علشان أثبت ان الحياه تبدأ بعد التمانين

للأسف قصة واقعية:... الورق في مصر أهم من البني آدم.....و الفلوس بتشتري الاتنين

:((((((((((((((((((((((((((((((((((((((((((((((((((((((((((((((((((((((((
 ماتحاولش تفهم كل حاجة........... لأنك مش هتلاقي حاجة تعملها باللى انت فهمته
نافق رؤساءك على قد ما تقدر......و متنساش أن الكلمة الطيبة صدقة

أوعى و أنت سايق متجريش ورا عربية الاسعاف........ أحسن الناس تفتكرك أجنبى

خليك مثقف و اتكلم فى اللى يهم الشعب................الكورة و العربيات

فكر دايما فى المستقبل...... هتجيب تمن العشا منين؟

أوعى تنسى و أنت سايق بعد ما تشتم و تعمل غرز و تخبط عربيات الناس أنك ترفع ايدك قال يعنى بتعتذر......أحسن يفكروك قليل الذوق

أوعى ترفض أى رشوة........النبى قِبل الهدية

خليك على طول متفائل........مفيش أسوأ من اللى أحنا فيه

خصص يوم الجمعة من كل أسبوع للأخلاص فى العمل..........و كده كده الجمعة أجازة

حاول دايما توصل متأخر عن ميعادك....... و أهو توصل متأخر أحسن ما متوصلش خالص

اقنع نفسك أنك أحسن من ناس كتير........علشان كده لازم تذلهم و تطلع عينهم

متشيلش هم الفقر و الجوع...... الريس هيفقرك و يجوعك

دايما بُص لنص الكباية المليان............. وساخة

شوقيات 2" نشرت في 24 أكتوبر 2010"

أنا مش عايزأمشى الكون كله على مزاجى....كفاية قوى كوكب الأرض

أنا معجب بمرتضى منصور و بقول لكل البرامج و الألعاب اللى نزلتها على الكمبيوتر....ملفاتكو عندى

بقول للباشا:الضرب فى الميت حرام ...و فى الحى برده

من كتر ما بعور نفسى فى نفس الأماكن و أنا بحلق دقنى,بقيت بعور نفسى الأول و بعدين أقعد أحلق براحتى

بمقارنة مجاميع جامعة المنصورة بالجامعات الأخرى بأحمد ربنا أن السودان أنفصلت عن مصر بدل ما الواحد كان يجيله التكليف فى قرية جنب الخرطوم ولا حاجة.

أقوله السلم بيتكنس من فوق يقولى العمارة بتتبنى من تحت...أنا رأيى أن الاتنين(السلطة و الشعب) عايزين الحرق

really ,mn kotr e3tezazy bl lo3'a el 3arabeya...nefsy ashof "t-shirt'' 3alih " logo" maktoob bel 3araby

بعد اللحمة ما غلت قررت أبقى نباتى و بعد الخضار ما غلى قررت أبقى من آكلى لحوم البشر...ما هو البنى آدميين أرخص حاجة فى بلدنا اليومين دول

أنا بحب أتفرج على خطب الرئيس مبارك (حسنى أو جمال)من باب أعرف عدوك

أخدتها من على لسانى....أيه القرف ده

بضحك أوى لما حد يقولى أحنا عايشين فى فوضى...يا عم هو أحنا عايشين أصلا

محدش واخد منها حاجة...هما خلاص خدو كل حاجة

أنا مش مغرور ولا حاجة...أنا بس مش لاقى حد يليق بمستوايا علشان أتعامل معاه

كلمة أخيرة: بعد غلاء الأسعار.. لو كان الفقر رجلا...كان مات لوحده من الجوع من غير ما أمد أيدى عليه ولا حاجة

آخر كلمة بجد: ما هو أنا لو يأست انهاردة...مش هلاقى حاجة أعملها بكرة
:))))))))))))))))))))))))
الضرب ممنوع فى المدارس بقرار الوزير....عقبال المدن الجامعية

مش معنى أنى بتعاطى مخدرات بقالى خمس سنين أنى مدمن...أنا بجرب بس

مصلحتك أولا...و مصلحة الضرايب أولا و أخيرا

أنا متفائل جدا...ماهو لو مولعتش فى قطر و لا وقعت عليا عربية من فوق الدائرى ولا أتسممت بأكل مسرطن و لا جالى أنفلونزا الخنازير...يبق لسه قدامى فرصة أنى أموت موته كريمة.......من الجوع

الناس زعلت قوى أن أحمد رفعت ضرب حازم امام بالقلم و ناسيين أن فيه واحد بيلطش فينا بقالو تلاتين سنة...و لسه

أختفاء القمر الصناعى المصرى ايجيبت سات 1 ... عقبال اللى فى بالى

نحن لا نزرع الشوك ...ولا القمح ولا أى حاجة أصلا

لأ طبعا الفلوس مش كل حاجة..فيه الشيكات و الكمبيالات و الفيزا كارد

شعبولا بيؤيد الرئيس مبارك و سعد الصغير بيؤيد الرئيس مبارك..يبقى كده اتنين....أموت و أعرف بيجيبو بقيت ال99%منين

ليس كل ما يلمع.......طماطم

صديقى لسه مُصِر انه يحجز مكان فى الطابور حتى بعد ما حلفتلو ميت يمين انه واقف آخر واحد فى الصف

بسبب الجفاف اللى احنا مقبلين عليه...المحلول فى يد الجميع

بعد اهتمام الرئيس مبارك بمشاكل الفنانين و بعد اهتمامه بمشاكل المثقفين ..أحب اقترح عليه يهتم بمشاكل ....المصريين

نصيحة مفيدة :الحق صور نفسك و أنت بتطبق العشرة جنيه قبل ما يقلبوها فضة
:)))))))))))))))))))))))
صدقنى مش هتستفيد حاجة لما تكتئب و تقعد تهرى فى نفسك.......انتحر على طول

بعد اختفاء القمر الصناعى المصرى......كل واحد يحرّص على محفظته

كل واحد له دور معين بيلعبه فى الحياه......مسلسلات

لجنة قيم الفساد بجمهورية مصر العربية أعطت جائزة الموظف الشريف للمواطن أ.أ بعد التأكد من عدم حصوله على رشوة... لمدة 5 أيام بحالهم

بخصوص الطماطم:بجنيه و نص ....هتبص بس

بالرغم من أنى أذكى واحد و أشجع واحد و أغنى واحد و أوسم واحد و أظرف واحد ...لكن عمرى ما أتغريت فى نفسى

يابن المحظوظة...أكلت 5 أرغفة كاملين...و مطلعلكش ولا زلطة

أنا عمرى ما اترسمت على حد أنى عندى شقة فى باريس.....فى شارع الثورة رقم 20 الدور التاسع 200 متر ب مليون يورو

نحن فى عنق الزجاجة....حد يكسر أم الأزازة دى بقى خلينا نخرج

بما أنى مفتح و ميضحكش عليا بالساهل..جربت علبة الكبريت كلها قبل ما أشتريها عود عود

الا الواسطة..أنا موتى و سمى الواسطة..و لولا كفاءة كل أخواتى و كل ولاد عمى و كل ولاد خالتى وكل ولاد خالى ...أنا مكنتش عينتهم معايا

مصر تتحدث عن نفسها.....عَلّي صوتك شوية يا مصر مش سامع

منتهى الصراحة:أنا عمرى ما كنت متناقض مع نفسى....أنا طول عمرى متناقض مع نفسي
:))))))))))))))))))))))))))))))))

• أنا لا يمكن أشتغل حرامى.................دى مجرد هواية

يخرب عقلك يا مجرم.............ده الشيطان يستحرم يروى الزرع ب مية مجارى

الشرطة و الشعب فى خدمة الوطن...............بتاعهم

نظرية المؤامرة......أكيد اسرائيل هى اللى ورا موضوع كسر ازاز عربيتى

أنا حريف بلاى ستيشن............مفيش فريق معرفش أتغلب بيه

أنا اللى حددت قوانين اللعب وأنا اللى بنفذها و أنا برده اللى هعاقبنى لو مطبقتهاش....نفس حكاية أ.ع الوزير رجل الأعمال عضو مجلس الشعب

مباحث أمن الدولة.....أسرع دليفرى فى مصر

بعد اختفاء الطماطم......أخيرا السلطة بقت فعلا خضرا

أكتر حاجة بتضايقنى و أنا بتابع الأعلانات...الفواصل بتاعة الفيلم اللى بتيجى فى النص

اعتراف صريح.....أنا بنقل من كتاب..............الفسيولوجى بتاع أولى

أقولك حاجة حلوة...........شيكولاته

أنا مش بكرر نفسي........نفسي..............نفسي..............نفسي

الزمالك صبور و بيفضل يتفاوض مع اللاعب لحد ما يقنعه أنه يمضى....للأهلى

أنا ذاكرتى حديد و مبنساش حاجة خالص يا.....يا...يا....أنت قولتلى اسمك أيه؟

أنا بكره التعميم...و "كلهم"بيعمموا

القومية العربية:اسرائيل لو سابتنا عشر سنين بس.....أحنا اللى هنخلص على بعض

شكرا طب أسنان المنصورة...لولا كآبتك ما كنتش عرفت قيمة الألش فى حياتنا

الحياه غالية قوى هنا فى لندن بس عشان أنا راجل طيب و براعى ربنا ..سترها معايا و القرض اللى هربت بيه من مصر مكفينى و زيادة

ماهو أنا لازم أتغر...عندى جمهور من جميع أنحاء الوطن العربى...السنبلاوين,دكرنس,المنزلة,سندوب...ده غير رابطة محبى الفنان الحساس فى بلقاس و اللى بلغ عدد المشتركين فيها 21 نفر بالمواشى بتاعتهم

آخر كلام...فى موضوع التوريث....اللى نعرفه أحسن من .......ابن اللى نعرفه
:))))))))))))))))))))))))))))))))))))))))))))))))))))))))))))))))))))

تعريفات مصرية من قبل الثورة "1 نوفمبر 2010"

الحكمة المصرية:لو عايز تبقى رئيس جمهورية قدامك سكة من اتنين....يا تدخل كلية طيران....يا تخلى أبوك يدخل كلية طيران

الحكومة المصرية: ابني بيتك........عالج نفسك..........علّم نفسك......و فى الآخر برده هناخد منك ضرايب

الوزير المصرى: عنده مبررات لأى حاجة و لكل حاجة...........بفضل توجيهات السيد الرئيس

المرتبات المصرية: هى رمز الفلوس اللى بناخده كل أول شهر علشان نفتكر أسماء العملات

الرياضة المصرية: برامج و خناقات و فضايح

الانتخابات المصرية: هى اجراء روتينى يحدث فى توقيت معين .....علشان الصورة تطلع حلوة

القطار المصري: هو وسيلة مواصلات.........الى الآخرة

المواعيد المصرية: هى تجسيد حى لعنصر المفاجأة

التلوث المصرى: نادر الوجود..........فى سنغافورة

البضائع المصرية: هى اما نباتات زي البانجو و الحشيش.......أو حيوانات زي بعض المخبرين و أمناء الشرطة فى الأقسام و على أبواب المدن الجامعية .....أو جماد زى ....جماد مبارك

المستثمر المصري: لو شريف هتطلع عينك انت و أهلك و فى الآخر مش هتوصل لحاجة.....و لو غير شريف,هتوصل لكل اللى انت عايزه...بس برده هناخده منك فى الآخر

المستشفيات المصرية: هى أماكن تحتوى على كل شىء من مرضى و أطباء و أدوية و لا ينقصها غير شىء واحد فقط.......العلاج

الجامعات المصرية:هى مبانى الهدف من انشائها توفير فرص عمل للأساتذة و أبناؤهم و أبناء أبنائهم

الشوارع المصرية:المكان الديمقراطى الوحيد فى مصر الذى يتيح الفرصة لأى مواطن انه يعمل اللى هو عايزه

مجلس الشعب المصري:المسلسل الوحيد اللى كل يوم يذيع نفس الحلقة

• الرئيس المصرى: ..........حسنى مبارك(هو ده تعريفه)
• الشعب المصري:.............................................كل ما سبق
• آخر كلام......الرياضة شىء مفيد جدا و لذلك أحرص و بشكل يومى على .....الفرجة عليها