إن المحرك للتاريخ الإنساني هو العامل الاجتماعي…أي القومي ، فالرابطة الاجتماعية التي تربط الجماعات البشرية كلاً على حدة … من الأسرة إلى القبيلة إلى الأمة هي أساس حركة التاريخ . ( إن أبطال التاريخ هم أفراد يضحون من أجل قضايا ). ليـس هناك أي تعريف آخر لذلك. ولكن أي قضايا؟ إنهم يضحون من أجل آخرين... ولكن أي آخرين؟ إنهم الآخرون الذين لهم علاقة بهم .. وإن العلاقة بين فرد وجماعة هي علاقة اجتماعية… أي علاقة قوم ببعضهم بعضا . فالأساس الذي كون القوم هو القومية ، إذن ، تلك القضايا هي قضايا قومية … والعلاقة القومية هي العلاقة الاجتماعية فالاجتماعية مشتقة من الجماعة ، أي علاقة الجماعة فيما بينها.والقومية مشتقة من القوم،أي علاقة القوم فيما بينهم ، فالعلاقة الاجتماعية هي العلاقة القومية .. والعلاقة القومية هي العلاقة الاجتماعية … إذ إن الجماعة هي قوم ، والقوم هم الجماعة حتى إذا قل عدد الواحدة عن الأخرى . ناهيك عن التعريف التفصيلي الذي يعني الجماعة المؤقتة بغض النظر عن علاقات أفرادها القومية . إن المقصود بالجماعة هنا هو الجماعة الدائمة بسبب علاقتها القومية .
ده جزء من الكتاب الأخضر تأليف الفنان الكوميدي الأخ العقيد معمر القذافي سنة 1975 تقريبا ... و كما هو واضح فإن أبطال التاريخ هم أفراد يضحون من أجل قضايا ... أظن واضحة أوي ... و كمان إيه بقى ... الأجتماعية من الجماعة و القومية من القوم ... إيه الحلاوة دي... إيه الكلام الجامد ده ....... بلاش تظلموا القذافي يا جماعة .. ده تقريبا أوضح و أعقل كلام سمعتهوله في حياتي .......
و أنا على فكرة من أشد المعجبين بآرائه زي مثلا رأيه في كرة القدم و إنها مش رياضة لأنها بيلعبها 22 شخص و بيتفرج عليهم ملايين الأشخاص ....... طب بالنسبة للي بيلعبوا كورة في الشارع ... دول موقفهم إيه ؟؟؟
إعجابي بشخصية العقيد نابعة من حبي لاعتماده على نفسه .. الراجل ده يوم ما بيسافر أي مكان بياخد معاه الخيمة بتاعته علشان مايسكنش عند حد , كرامة العربي الأصيل بقى , تقول إيه .. و طبعا بياخد معاه أكله... أكيد يعني إذا كان أخد الخيمة مش هيعرف ياخد كام معزة لزوم اللحمة و اللبن ..... المشكلة إنه بيصر إنه ينصب خيمته في أي مكان بدون أي اعتبارات ....أوضحلكم الصورة أكتر .. الراجل ده مثلا لو مسافر فرنسا بيقفش إنه ينصب الخيمة تحت برج إيفل ... طب يهديك يرضيك .. لا يمكن أبدا ... طب السياح هيدوسوا المعيز ... برده أبدا .. تحت برج إيفل يعني تحت برج إيفل ............. و فيه خبر بيقول إنه كان في نيويورك و قفش ينصب الخيمة قدام مقر الأمم المتحدة ... إيه المشكلة يعني ..الراجل مش عامل حسابه في فلوس المواصلات , عايز يقعد جنب الشغل علشان يخلص اجتماعاته و يرجع يريح شوية و أهو توفير برده .... طبعا الأمريكان لأنهم لسه ماوصلوش للمستوى الراقي ده من التفكير رفضوا نصب الخيمة ... القذافي يسكت .. ده حتى تبقى عيبة في حقه وسط أخوانه الحكام العرب لما يقابلهم .. يقولهم إيه ... معرفش ينصب الخيمة قدام الأمم المتحدة .. ليه يعني ... هي الأمم المتحدة تفرق إيه يعني عن دريم بارك ... رجع بلده و جاب شحنة يورانيوم مخصب كانت في طريقها لروسيا و سابها في المطار تحت حراسة عسكري واحد ..... بالمستخبي كده بيقولهم أنا صايع و مقطع بطاقتي و مايهمنيش حد ........ الحمدلله الموضوع أتلم و باسوا دماغه علشان مايعملش كارثة بيئية .. و ده نقلا عن وثائق من ويكيليكس
ما يزيد حبي للفنان الشارب معمر القذافي اهتمامه ب أزيائه .. اللي حيرت كل بيوت الأزياء في العالم .. مش علشان تصميمها أو ألوانها ... كلها جلاليب ماتسواش تلاتة شلن ... بس علشان فكرتها ... أيوة الهدوم بتاعت الفنان الشارب معمر القذافي عبارة عن أفكار ... تطبيقا لفكرة إنه لابس أفكاره ... الراجل كل يوم أول ما يصحى من النوم يقوم ناطط في أول فكرة تقابله على الحبل و ضارب النضارة الشمس حتى لو بالليل ... الحاجات الصغيرة دي مش مشكلة خالص بالنسبة له و طالع بقى في التليفزيون ... يقعد على الكرسي .. و يقعد الناس كلها على الأرض .. مش عارف ليه ... بس أنا اتعودت ماستغربش من حاجة يعملها قذاذيفو حبيبي .. و يقعد يخطب براحته خالص لحد ما يزهق أو الناس تنام أيهما أقرب ....... بصراحة جدوله اليومي أنا معرفهوش .. مش علشان أنا مش مهتم لا سمح الله ... بس لأني كل ما أعرف معلومة جديدة عن قذاذيفو حبيبي " و هو بصراحة كل معلوماته جديدة " بيزيد حبي للرئيس المطرود حسني مبارك لأنه رغم كل مساوئه أعتقد أنه ماكنش بيحشش .........
بيعجبني في قذاذيفو حبيبي إنه مجتهد و مبتكر بصورة لا يتخيلها أحد ...... و مابيحبش الاستسهال ... يعني مثلا ناس كتيرة استغربت رأيه في الديمقراطية و تفسيره ليها على إنها بتعبر عن دهماء الكرسي ... الناس دي فعلا حقودة .. ما هو كان يقدر يقول ماعرفش مثلا أو يقول مش نايم كويس أو نسيت الشاحن في البيت ... أي حجة يعني علشان يهرب من السؤال .. بس ده الحل السهل و هو اختار الحل ال.. سهل قوي و هو إنه يبتكر إجابة من دماغة .. اللي الزمن أثبت بما لايدع مجالا للشك إنها متكلفة .. الشيء الفلاني
الراجل واضح و صريح مع الشعب ... قالهم من الأول .. اللي هيدخل على الفيس بوك هعتقله .. تحقيقا لمبدأ الشفافية .. و لما لقى الشعب قافش يعمل مظاهرات لإسقاط الحكومة ... قالهم و الله ما هسيبكو و هنزل معاكو المظاهرات .. تحقيقا لمبدأ المشاركة في الحياه السياسية .. أنا طبعا مخي الصغير عجز عن فهم سبب رغبته في المشاركة في المظاهرات ... بس واضح إنه بيحب يجيب من الآخر و محدش أحسن من حد ... ما إحنا عندنا الشرطة بتعمل مظاهرات .. إيه المشكلة يعني و أعتقد إن مبارك لو كان لسه بصحته كان نزل عمل مظاهرة هو كمان ... بلاش تعقدوا المسائل و تقفوا للراجل على الواحدة .... علشان كده مش هتخلصوا
طبعا آراء الأخ الفنان الشارب معمر القذافي في القضايا العربية و العالمية و أي قضية ."هو بسم الله ما شاء الله عنده آراء في كل حاجة , مفيش حاجة مابيفهمش فيها أو بمعنى أدق ما بيغلبش فيها " كنت بقول إن آرائه في القضايا العربية كانت بالتسبالي أهم من القضايا نفسها .. يعني أسمع مثلا عن مشكلة في السودان , أول حاجة تيجي في دماغي .. يا ترى القذافي هيقول إيه ؟؟ و فعلا أول ما زين العابدين هرب .. قذاذيفو حبيبي ما خيبش أملي و طلع قال إن التوانسة استعجلو ... أنا بصراحة ماقدرتش أكمل الخطاب و قلت أكيد هيقول مثلا إنهم كان المفروض يستنوا لحد الفجر مثلا و لا حاجة ....
طبعا لأن القذافي ماجبتوش ولادة .. جابته الثورة ... و نتيجة لشخصيته الأسطورية الفتاكة .. ده عرضه لأن يكون هدف للشائعات المغرضة و النكت التي لا أساس لها سوى الصحة ... أنا مش عارف الناس بتتعب نفسها ليه و تقعد تألف في نكت عليه .. الراجل ده كفاية تتفرج على مشهد واحد ليه " حتى لو صامت " و إنت تموت من الضحك ... مش علشان هو مخه لاسع شويتين .. لأ طبعا .. علشان قدر يوصل و يبقى رئيس جمهورية .. آسف جماهيرية .. و الفنان الشارب معمر القذافي هو الوحيد اللي فاهم الفرق بين الاتنين
حبه ل اللون الاخضر حببني فيه أكتر ... لأنه بيفكرني بالبرسيم .. و انا الحقيقة ماعرفش إيه رأي العقيد في البرسيم " أكيد عنده رأي في البرسيم . هو فيه حاجة ماقلش فيها رأيه" مش علشان سمى كتابه المعجزة " الكتاب الأخضر " ده شيء طبيعي .. لأنه أكيد ألفه و هو قاعد في الغيط .. و لا علشان علم ليبيا عبارة عن حتة قماشة خضرا مافيهاش أي رموز " لوجو يعني" ... و الناس الحاقدين طبعا هيقولو إن ده استسهال .. الكتاب أخضر و العلم أخضر .. لأ طبعا .ماهو كان ممكن يسمي الكتاب " الكتاب الأحمر " و يعمل العلم ... أخضر برده .. حد كان هيقدر يتكلم... أعتقد إن حبه ل اللون الأخضر نابع من نفس الحته اللي نبع منها حبه للابتكار و الابهار .. و أنا معرفهاش
مش هزود عليكو لاننا مش هنخلص و أسيبكو مع قطعة فنية أخرى (بضم الألف أو فتحها على رأي بلال فضل ) من كتابه المعجزة " الكتاب الأخضر"
فالأسرة بالنسبة للإنسان الفرد أهم من الدولة.. الإنسانية تعـرف الفرد (الإنسان ) والفرد ( الإنسان ) السوي يعرف الأسرة … والأسرة هي مهده ومنشؤه ومظلته الاجتماعية . طبيعياً الإنسانية الفرد والأسرة ، وليس الدولة ..الإنسانية لا تعرف ما يسمى بالدولة …الدولة نظام سياسي واقتصادي اصطناعي وأحياناً عسكري لا علاقة للإنسانية به.. ولا دخل لها فيه . فالأسرة هي تماماً مثل النبتة الواحدة في الطبيعة التي هي أساس النبات الطبيعي .. أما تكييف البيئة الطبيعية إلى مزارع وحدائق وما إليها فهذا إجراء اصطناعي لا صلة له بطبيعة النبتة المتكونة من عدد من الفروع والأوراق والأزهار بما يشبه الأسرة تماماً.
و ابقى قابلني لو فهمت حاجة
إضافة : ساندوا ليبيا لتتحرر من الطاغية المجنون معمر القذافي
ده جزء من الكتاب الأخضر تأليف الفنان الكوميدي الأخ العقيد معمر القذافي سنة 1975 تقريبا ... و كما هو واضح فإن أبطال التاريخ هم أفراد يضحون من أجل قضايا ... أظن واضحة أوي ... و كمان إيه بقى ... الأجتماعية من الجماعة و القومية من القوم ... إيه الحلاوة دي... إيه الكلام الجامد ده ....... بلاش تظلموا القذافي يا جماعة .. ده تقريبا أوضح و أعقل كلام سمعتهوله في حياتي .......
و أنا على فكرة من أشد المعجبين بآرائه زي مثلا رأيه في كرة القدم و إنها مش رياضة لأنها بيلعبها 22 شخص و بيتفرج عليهم ملايين الأشخاص ....... طب بالنسبة للي بيلعبوا كورة في الشارع ... دول موقفهم إيه ؟؟؟
إعجابي بشخصية العقيد نابعة من حبي لاعتماده على نفسه .. الراجل ده يوم ما بيسافر أي مكان بياخد معاه الخيمة بتاعته علشان مايسكنش عند حد , كرامة العربي الأصيل بقى , تقول إيه .. و طبعا بياخد معاه أكله... أكيد يعني إذا كان أخد الخيمة مش هيعرف ياخد كام معزة لزوم اللحمة و اللبن ..... المشكلة إنه بيصر إنه ينصب خيمته في أي مكان بدون أي اعتبارات ....أوضحلكم الصورة أكتر .. الراجل ده مثلا لو مسافر فرنسا بيقفش إنه ينصب الخيمة تحت برج إيفل ... طب يهديك يرضيك .. لا يمكن أبدا ... طب السياح هيدوسوا المعيز ... برده أبدا .. تحت برج إيفل يعني تحت برج إيفل ............. و فيه خبر بيقول إنه كان في نيويورك و قفش ينصب الخيمة قدام مقر الأمم المتحدة ... إيه المشكلة يعني ..الراجل مش عامل حسابه في فلوس المواصلات , عايز يقعد جنب الشغل علشان يخلص اجتماعاته و يرجع يريح شوية و أهو توفير برده .... طبعا الأمريكان لأنهم لسه ماوصلوش للمستوى الراقي ده من التفكير رفضوا نصب الخيمة ... القذافي يسكت .. ده حتى تبقى عيبة في حقه وسط أخوانه الحكام العرب لما يقابلهم .. يقولهم إيه ... معرفش ينصب الخيمة قدام الأمم المتحدة .. ليه يعني ... هي الأمم المتحدة تفرق إيه يعني عن دريم بارك ... رجع بلده و جاب شحنة يورانيوم مخصب كانت في طريقها لروسيا و سابها في المطار تحت حراسة عسكري واحد ..... بالمستخبي كده بيقولهم أنا صايع و مقطع بطاقتي و مايهمنيش حد ........ الحمدلله الموضوع أتلم و باسوا دماغه علشان مايعملش كارثة بيئية .. و ده نقلا عن وثائق من ويكيليكس
ما يزيد حبي للفنان الشارب معمر القذافي اهتمامه ب أزيائه .. اللي حيرت كل بيوت الأزياء في العالم .. مش علشان تصميمها أو ألوانها ... كلها جلاليب ماتسواش تلاتة شلن ... بس علشان فكرتها ... أيوة الهدوم بتاعت الفنان الشارب معمر القذافي عبارة عن أفكار ... تطبيقا لفكرة إنه لابس أفكاره ... الراجل كل يوم أول ما يصحى من النوم يقوم ناطط في أول فكرة تقابله على الحبل و ضارب النضارة الشمس حتى لو بالليل ... الحاجات الصغيرة دي مش مشكلة خالص بالنسبة له و طالع بقى في التليفزيون ... يقعد على الكرسي .. و يقعد الناس كلها على الأرض .. مش عارف ليه ... بس أنا اتعودت ماستغربش من حاجة يعملها قذاذيفو حبيبي .. و يقعد يخطب براحته خالص لحد ما يزهق أو الناس تنام أيهما أقرب ....... بصراحة جدوله اليومي أنا معرفهوش .. مش علشان أنا مش مهتم لا سمح الله ... بس لأني كل ما أعرف معلومة جديدة عن قذاذيفو حبيبي " و هو بصراحة كل معلوماته جديدة " بيزيد حبي للرئيس المطرود حسني مبارك لأنه رغم كل مساوئه أعتقد أنه ماكنش بيحشش .........
بيعجبني في قذاذيفو حبيبي إنه مجتهد و مبتكر بصورة لا يتخيلها أحد ...... و مابيحبش الاستسهال ... يعني مثلا ناس كتيرة استغربت رأيه في الديمقراطية و تفسيره ليها على إنها بتعبر عن دهماء الكرسي ... الناس دي فعلا حقودة .. ما هو كان يقدر يقول ماعرفش مثلا أو يقول مش نايم كويس أو نسيت الشاحن في البيت ... أي حجة يعني علشان يهرب من السؤال .. بس ده الحل السهل و هو اختار الحل ال.. سهل قوي و هو إنه يبتكر إجابة من دماغة .. اللي الزمن أثبت بما لايدع مجالا للشك إنها متكلفة .. الشيء الفلاني
الراجل واضح و صريح مع الشعب ... قالهم من الأول .. اللي هيدخل على الفيس بوك هعتقله .. تحقيقا لمبدأ الشفافية .. و لما لقى الشعب قافش يعمل مظاهرات لإسقاط الحكومة ... قالهم و الله ما هسيبكو و هنزل معاكو المظاهرات .. تحقيقا لمبدأ المشاركة في الحياه السياسية .. أنا طبعا مخي الصغير عجز عن فهم سبب رغبته في المشاركة في المظاهرات ... بس واضح إنه بيحب يجيب من الآخر و محدش أحسن من حد ... ما إحنا عندنا الشرطة بتعمل مظاهرات .. إيه المشكلة يعني و أعتقد إن مبارك لو كان لسه بصحته كان نزل عمل مظاهرة هو كمان ... بلاش تعقدوا المسائل و تقفوا للراجل على الواحدة .... علشان كده مش هتخلصوا
طبعا آراء الأخ الفنان الشارب معمر القذافي في القضايا العربية و العالمية و أي قضية ."هو بسم الله ما شاء الله عنده آراء في كل حاجة , مفيش حاجة مابيفهمش فيها أو بمعنى أدق ما بيغلبش فيها " كنت بقول إن آرائه في القضايا العربية كانت بالتسبالي أهم من القضايا نفسها .. يعني أسمع مثلا عن مشكلة في السودان , أول حاجة تيجي في دماغي .. يا ترى القذافي هيقول إيه ؟؟ و فعلا أول ما زين العابدين هرب .. قذاذيفو حبيبي ما خيبش أملي و طلع قال إن التوانسة استعجلو ... أنا بصراحة ماقدرتش أكمل الخطاب و قلت أكيد هيقول مثلا إنهم كان المفروض يستنوا لحد الفجر مثلا و لا حاجة ....
طبعا لأن القذافي ماجبتوش ولادة .. جابته الثورة ... و نتيجة لشخصيته الأسطورية الفتاكة .. ده عرضه لأن يكون هدف للشائعات المغرضة و النكت التي لا أساس لها سوى الصحة ... أنا مش عارف الناس بتتعب نفسها ليه و تقعد تألف في نكت عليه .. الراجل ده كفاية تتفرج على مشهد واحد ليه " حتى لو صامت " و إنت تموت من الضحك ... مش علشان هو مخه لاسع شويتين .. لأ طبعا .. علشان قدر يوصل و يبقى رئيس جمهورية .. آسف جماهيرية .. و الفنان الشارب معمر القذافي هو الوحيد اللي فاهم الفرق بين الاتنين
حبه ل اللون الاخضر حببني فيه أكتر ... لأنه بيفكرني بالبرسيم .. و انا الحقيقة ماعرفش إيه رأي العقيد في البرسيم " أكيد عنده رأي في البرسيم . هو فيه حاجة ماقلش فيها رأيه" مش علشان سمى كتابه المعجزة " الكتاب الأخضر " ده شيء طبيعي .. لأنه أكيد ألفه و هو قاعد في الغيط .. و لا علشان علم ليبيا عبارة عن حتة قماشة خضرا مافيهاش أي رموز " لوجو يعني" ... و الناس الحاقدين طبعا هيقولو إن ده استسهال .. الكتاب أخضر و العلم أخضر .. لأ طبعا .ماهو كان ممكن يسمي الكتاب " الكتاب الأحمر " و يعمل العلم ... أخضر برده .. حد كان هيقدر يتكلم... أعتقد إن حبه ل اللون الأخضر نابع من نفس الحته اللي نبع منها حبه للابتكار و الابهار .. و أنا معرفهاش
مش هزود عليكو لاننا مش هنخلص و أسيبكو مع قطعة فنية أخرى (بضم الألف أو فتحها على رأي بلال فضل ) من كتابه المعجزة " الكتاب الأخضر"
فالأسرة بالنسبة للإنسان الفرد أهم من الدولة.. الإنسانية تعـرف الفرد (الإنسان ) والفرد ( الإنسان ) السوي يعرف الأسرة … والأسرة هي مهده ومنشؤه ومظلته الاجتماعية . طبيعياً الإنسانية الفرد والأسرة ، وليس الدولة ..الإنسانية لا تعرف ما يسمى بالدولة …الدولة نظام سياسي واقتصادي اصطناعي وأحياناً عسكري لا علاقة للإنسانية به.. ولا دخل لها فيه . فالأسرة هي تماماً مثل النبتة الواحدة في الطبيعة التي هي أساس النبات الطبيعي .. أما تكييف البيئة الطبيعية إلى مزارع وحدائق وما إليها فهذا إجراء اصطناعي لا صلة له بطبيعة النبتة المتكونة من عدد من الفروع والأوراق والأزهار بما يشبه الأسرة تماماً.
و ابقى قابلني لو فهمت حاجة
إضافة : ساندوا ليبيا لتتحرر من الطاغية المجنون معمر القذافي
ليست هناك تعليقات:
إرسال تعليق