و بناءًا عليه
- العصبي هو من يتشاجر مع سائق لخلاف على الأجرة , العنيف هو من يقتله , المجرم هو من يحرق الموقف , المواطن الشريف هو من يبكي على المياه المستخدمة لإطفاء الحريق
- ليس معنى إن تعاطفك لوحده مش كفاية , إنك لا تتعاطف
-
لمن يتهم الدولة بعدم الاستثمار في الموارد البشرية . . . راجع عقد شيكابالا
-
- فقط في مصر.. نجاح المؤامرة يعني فشل الشعب و خراب البلد ,, و فشل المؤامرة يعني نجاح الحاكم بالرغم من خراب البلد برده
-
- عندما تراهم يقتلون الشعب , بييجي في دماغك حاجة من اتنين : إما إنهم ناس مفترية زيادة عن اللزوم ... أو .. (و هذا هو الأرجح ) ... حيوانات مفترية زيادة عن اللزوم
-
-
علشان تريح دماغك : اربط الحمار ,, و اربط صاحبه
-
- التواضع هو ان تعتبر كل الناس أحقر من أن تتعالى عليهم
- الذكي هو من يشعر أن كل من حوله اغبياء ... و الغبي ايضا
-
- لا تيأس ... فدائما أول عام من ال 6 شهور بتوع المرحلة الانتقالية بيكون أصعب واحد
-
- حكمة اليوم : لا تهرب من الحقيقة ... اهرب من اللي يعرفها
-
- نظرية إنك تبص لنص الكوب المليان معناها إني لما أقول عليك كلب ,أول حاجة تيجي في دماغك ... إني بمدح وفاءك
-
- كلمة أخيرة : نحن لا نعترف أننا نزرع الشوك
-
-
كلمة بعد الأخيرة : لو كان فيه لجنة تقصي حقائق أيام سيدنا آدم , كان الغراب هو اللي لبس قتل هابيل
-
- خالد شوقي
ليست هناك تعليقات:
إرسال تعليق